1 Samuel 17:36 - AHYERƐLƐ KRONGRON

³⁶ W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.

1 Samuel 17:36 Iomraidhean Croise

2 Aberɛso Dwirɛ 32:17

Afei koso ɔhyerɛle ngrataa fa gorole AWURADE Yisrael Nyameɛ nwo, na ɔkekane edwirɛ tiale ye kyɛ, “Kyɛbɔ maen maen mɔ bɛ nyameɛ mɔ bangora banne bɛ mmenia bamvi me sa nu ne, sɔ ala yeɛ Hesekia Nyameɛ ne ɔngɔhora ngole ye mmenia ngofi me sa nu ɔ.”

Yesaya 10:15

Aso odi kyɛ akumaa ɔyɛ sona bɔ ɔfa ye bu bakaa ne so anwomasoɛ, anaakyɛ sralaa ɔmoma ye nwo so kyire sona bɔ ɔfa ye pakye mmakaa ɔ? Aso mbire kɔhora kɔhyɛ sona bɔ otira ye ne so, anaa pɔmaa kɔhora kɔpagya ye nwo kyɛ ye de nna bakaa ahɔ ɔ.

Yesaya 36:15

Nnɛmɔma Hesekia lakalaka ɛmɔ maa ɛmɔfa bɛ nwo bɛto AWURADE so, maa ɛmɔkã kyɛ, ‘Amba, AWURADE kɔpepɛ kole yɛ, na ɔngɔfa sɔ kuro ye ngowura Asiria hene sa.’

Yesaya 36:18

Nnɛmɔma Hesekia lakalaka ɛmɔ kyɛ, ‘AWURADE kɔpepɛ kole yɛ!’ Maen maen mɔ bɛ nyameɛ nemɔ, aso bɛ nu bie wahora wale ye aseɛ wafi Asiria hene sa nu le?

Hesekiel 28:10

Ekowu mmenia bɔ bɛmbɛ bɛ bienzua ɔ bɛ wue, wɔ ɛwɔfoɛ mɔ bɛ sa nu; ofikyɛ me yeɛ mahã ɔ, AWURADE Nyameɛ noa dwirɛ ɛne.”

Hesekiel 32:19

‘Nwa yeɛ w’anwonyemene tra ye ɔ? Dwu kɔ aseɛ bo dɔ kɔla bɛmbɛ-bɛ-bienzuafoɛ bɛ nwo berɛ.’

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Sakaria 12:3

Na sɔ kyẽa ne, ngɔfa Yerusalem ngɔyɛ nyɔboɛ nonɛnonɛ ngɔma maen maen amukoraa, ebiala bɔ ɔkɔpagya ye ne, okopura piri paa, ɔwɔ nu kyɛ aseɛ so maen maen amukoraa bɛkɔboa bɛ noa bekodwɔso bekotia ye de.

Sakaria 2:8

Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 17:10

Na Filistiniɛ ne toale so sele kyɛ, “Ɛnɛ kyẽa ye, Yisrael koɛhonɛfoɛ, sɛ ɛmɔte mmienzua a, ɛ́mɔye sona ko ma me ne ye yɛli ahoɛ!”

1 Samuel 17:26

Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:35

mefoa ye mepura ye, na mede boaen ne mefi ye noa nu. Na sɛ kaka ne ba me so kyɛ ɔbaahye me a, mesɔ ye awogyee nu mebɔ ye meku ye.

1 Samuel 17:37

Na AWURADE bɔ olele me fili gyata sa nu, ɔne kwabrafo sa nu ne, okole me kofi sɔ Filistiniɛ he sa nu.” Yeɛ Sɔɔlo sele Dawide kyɛ, “Kɔ, na mesrɛ kyɛ AWURADE ogyina wɔ si!”

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”

1 Samuel 31:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.