1 Samuel 17:26 - AHYERƐLƐ KRONGRON

²⁶ Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”

1 Samuel 17:26 Iomraidhean Croise

2 Ahemvo 19:4

Edwirɛ amukoraa bɔ Rabesake ne, ye mene Asiria hene wafa wasoma ye kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti mbaeɛ bɔ ɛbɔ ma yɛ bɔ yaha ne, ma nu ɔ́yɛ se.”

2 Aberɛso Dwirɛ 32:17

Afei koso ɔhyerɛle ngrataa fa gorole AWURADE Yisrael Nyameɛ nwo, na ɔkekane edwirɛ tiale ye kyɛ, “Kyɛbɔ maen maen mɔ bɛ nyameɛ mɔ bangora banne bɛ mmenia bamvi me sa nu ne, sɔ ala yeɛ Hesekia Nyameɛ ne ɔngɔhora ngole ye mmenia ngofi me sa nu ɔ.”

Nehemia 5:9

Yiti ngane kyɛ, “Nikyee bɔ ɛmɔyɔ ne, ɔtte mayee. Aso onni kyɛ ɛmɔsuro yɛ Nyameɛ, amaa ɔnate so maen maen mɔ bɔ bɛte yɛ pɔfoɛ ne, bangoro yɛ nwo ɔ?

Edwein 44:13

Amaa yɛ mmango mɔ bɛkã yɛ anyinga, na maen maen bɔ bapɛ yɛ nwo bayia ne, amaa bɛsere yɛ bɛgoro yɛ nwo.

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Yeremia 9:25

AWURADE nwa nyoo, “Tie, mmerɛ bie ɔ́ba, bɔ mmenia bɔ bɛpɛ bɛ bienzua, nakoso bɛbɔ bɛ bra kyɛ mmenia bɔ bɛmbɛ bɛ bienzua ne, ngɔhwe bɛ mukoraa bɛ so:

Yeremia 9:26

Misraim, Yuda, Edom, Amonfoɛ yeɛ Moabo ne bɛ bɔ bɛte ɛserɛ so amukoraa bɔ bepiapia bɛ ti angyɛnu ɔ. Ofikyɛ sɔ maen nemɔ amukoraa bɛmbɛ bɛ bienzua, na Yisrael awuro ama amukoraa, b’ahone nu de, bɛmbɛ bɛ bienzua.”

Hesekiel 28:10

Ekowu mmenia bɔ bɛmbɛ bɛ bienzua ɔ bɛ wue, wɔ ɛwɔfoɛ mɔ bɛ sa nu; ofikyɛ me yeɛ mahã ɔ, AWURADE Nyameɛ noa dwirɛ ɛne.”

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Daniel 6:27

Ode ngoa, na ɔpepɛ de mmenia, na ɔyɔ nzɛngyerɛnneɛ ne anwanwadeɛ wɔ nyameɛso ne aseɛ so, na ye yeɛ wapepɛ wale Daniel wafi gyata mɔ bɛ sa nu ɔ.”

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Yoel 2:19

Amba, AWURADE buale ye maen sele ye kyɛ, “Ɛ́mɔtie, ngɔbrɛ ɛmɔ aburoo, nzaa ne ngoo, na bɛkɔma ɛmɔ ko koyi; mengɔma ɛmɔngɔyɛ nikyee bɔ bebu ye animtia wɔ maen maen mɔ nu ɔ ko,

Deuteronomi 5:26

Ofikyɛ dasaniɛ beni yeɛ wate Nyameɛ teasefoɛ ne komvi kyɛ odwudwo fi see nu, kyɛbɔ yate ye, ná wanya ngoa ɔ?

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

1 Samuel 11:2

Nakoso Amonniɛ Nahase buale bɛ kyɛ, “Sɛ ngɔpene so kyɛ me ne ɛmɔ kɔyɛ apam a, sana metu ebiala nye famaa ne, maa ɔyɛ animguaseɛ ka Yisrael amukoraati.”

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”

1 Samuel 17:10

Na Filistiniɛ ne toale so sele kyɛ, “Ɛnɛ kyẽa ye, Yisrael koɛhonɛfoɛ, sɛ ɛmɔte mmienzua a, ɛ́mɔye sona ko ma me ne ye yɛli ahoɛ!”

1 Samuel 17:30

Dawide fili Eliabo nwo berɛ oobisale sona foforɛ edwirɛ komapɛ ne ala, na mmuayɛɛ komapɛ ne ala yeɛ koɛhonɛfoɛ nemɔ sa fa mane ye ɔ.

1 Samuel 17:36

W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.

1 Samuel 31:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.