1 Samuel 17:20 - AHYERƐLƐ KRONGRON

²⁰ Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.

1 Samuel 17:20 Iomraidhean Croise

Luka 19:43

Ofikyɛ mmerɛ bie baawa wɔ so, bɔ wɔ pɔfoɛ mɔ bɛkɔyɔ nyinasoɛ bɛkɔfo so bɛkɔwa wɔ nu, bɔ bɛkɔpɛ bɛkɔbra wɔ nwo bekoyia, ná batua wɔ bahã wɔ bamia;

Yosua 3:1

Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

1 Samuel 15:12

Samuel pɛle aleɛ dwɔsole kyɛ ɔkwaapena Sɔɔlo. Na bɛha behyirele Samuel kyɛ, “Sɔɔlo ahɔ Kamɛl, nekaa bɔ wasi ngayeɛ nikyee wafa wahyɛ ye nwo animnyam ne, na waase wapɛ nu wahɔ Gilgal.”

1 Samuel 17:19

Sɔɔlo ne Dawide aliɛma nemɔ ne Yisrael koɛhonɛfoɛ ne amu, né bɛwɔ Ela bɔnza ne anu bɛ ne Filistifoɛ bɛ́ko.

1 Samuel 17:21

Né Yisrael ne Filistifoɛ bate bagyina kyɛ bɛkɔho, bɔ ɛlɔen ko gyi bue ko, ná ko koso gyi bue ko ɔ.

1 Samuel 17:28

Dawide aliɛma panyi Eliabo tele kyɛ ɔ́ka edwirɛ kyire koɛhonɛfoɛ nemɔ nen, ɔfɛle Dawide so yaa, na ɔhane kyɛ, “W’amaneɛ wɔ wa? Mmoaen kãa bie ne, nwa yeɛ ɛfale bɛ yakyili ye wɔ ɛserɛ ne aso ɔ? Mese kyɛbɔ esi te dwɛɛ ɔne adwene tɛɛ bɔ ɔwɔ wɔ ti anu ɔ. Koɛ ne ala yeɛ ɛwale kyɛ ɛbaanea ɔ!”

1 Samuel 26:5

Afei Dawide sili nu hɔle nekaa bɔ né Sɔɔlo akyekye asikyeleɛ ne. Onwuni nekaa bɔ Sɔɔlo ne ye safohene Abenɛ, bɔ ɔte Nɛɛ awa ne bɛla ɔ. Né Sɔɔlo alafe wɔ asikyeleɛ ne afia, bɔ koɛhonɛfoɛ nemɔ bapɛ ye nwo bayia ɔ.

1 Samuel 26:7

Yiti Dawide ne Abisae bɛhɔle koɛhonɛfoɛ nemɔ anwo dɔ kɔngɔen. Benwuni kyɛ Sɔɔlo alafe wɔ asikyeleɛ ne afia berɛ, bɔ ye pealɛɛ ne pena ye ti sorɔ ɔ. Né Abenɛ ne koɛhonɛfoɛ nemɔ koso balafe bapɛ ye nwo bayia.