1 Samuel 17:12 - AHYERƐLƐ KRONGRON

¹² Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 17:12 Iomraidhean Croise

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

Edwein 132:6

Amba, yɛtele ye wɔ Efrata; yɛnwuni ye wɔ ɛhɔayeɛ aseɛ ne aso.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mateo 1:6

Yese bɔ ɔwa ole Nana Dawide ne. Dawide ne Yuria aye ne wole Solomon.

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Rutu 1:2

Biaa ne li Elimɛlɛke, yeɛ ɔye ne koso li Naomi. Ye mma mmienzua nemɔ li Malon ne Kilion. Bɛte Efratefoɛ bɔ befi Betlehem bɔ ɔwɔ Yuda, na betu bɛɛtenane Moabo aseɛ so.

Rutu 4:17

Mandamu berɛ mmrasua nemɔ tole akwadaa ne dumaa, na bɛhane kyɛ, “Bawo baa bienzua bama Naomi.” Bɛtole ye dumaa Obɛde; na ye yeɛ ɔwole Yese, bɔ yeɛ ɔte Dawide baba ne.

Rutu 4:22

Obɛde wole Yese, yeɛ Yese wole Dawide.

1 Samuel 1:1

Né biaa bie wɔ berɛ bɔ bɛfrɛ ye Ɛlkana. Ofi Ramatim Sofim bɔ ɔwɔ Efraim mmokaa aseɛ ne aso. Ɔse ole Yeroham bɔ ɔse ole Elihu bɔ ɔse ole Tohu bɔ ye koso ɔse ole Efraimniɛ Sufe ne.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 17:11

Na Sɔɔlo ne Yisrael koɛhonɛfoɛ amukoraa tele sɔ dwirɛ bɔ Filistiniɛ ne hane nen, ɛserɛ hane bɛ, na besurole paa.

1 Samuel 17:58

Na Sɔɔlo bisale ye kyɛ, “Aberandeɛ, nwa awa ole wɔ?” Yeɛ Dawide buale kyɛ, “W’akoaa Yese, Betlehemniɛ ne, ɔwa ole me.”