1 Samuel 17:1 - AHYERƐLƐ KRONGRON

¹ Filistifoɛ boaboale bɛ noa kyɛ bɛkwaaho koɛ. Bɛɛboale bɛ noa wɔ Soko bɔ ɔwɔ Yuda, na bɛkyekyele asikyeleɛ wɔ Efese Damim bɔ ɔwɔ Soko ne Aseka b’afia.

1 Samuel 17:1 Iomraidhean Croise

1 Aberɛso Dwirɛ 11:13

Mmerɛ bɔ Filistifoɛ bɛkyekyele asikyeleɛ wɔ Pase Damim kyɛ bɛ ne Yisraelfoɛ bɛbaaho ne, né ɔboka Dawide so. Né ayuo boo bie wɔ berɛ, na Yisraelfoɛ nwati befili Filistifoɛ nemɔ nyunu.

2 Aberɛso Dwirɛ 11:7

Bete Sure, Soko, Adulam,

2 Aberɛso Dwirɛ 28:18

Afei koso, né Filistifoɛ baabɔ apaa wɔ aseɛ frɛtɛɛ nguro nemɔ aso ne Yuda ngwaen dɔ. Né bafa Bete Semese, Ayalɔn, Gederote, Soko ne ye nwo nguraa, Timina ne ye nwo nguraa, yeɛ Gyimso ne ye nwo nguraa, na betu bɛɛtenatenane berɛ.

Yeremia 34:7

mmerɛ bɔ Babilɔn hene koɛhonɛfoɛ bɛfale koɛ bɛɛtetale Yerusalem ne Yuda nguro bɔ baha ne amukoraa, yeɛ Lakise ne Aseka ne; ofikyɛ bɛ ngome yeɛ né bɛte Yuda nguro bɔ baha bɔ babɔ bɛ nwo waen ɔ.

Yosua 15:35

Yamute, Adulam, Soko, Aseka,

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.

1 Samuel 13:5

Filistifoɛ boaboale bɛ nwo kyɛ bɛkwaafa koɛ bɛtoa Yisrael. Bɛfale teaseɛnam apee aburasa, pɔngɔhanɛfoɛ apee nzia, ɔne koɛhonɛfoɛ bɔ bɛ somaa te kyɛ mboanoa anweaa ɔ. Bɛɛkyekyele asikyeleɛ wɔ Mikimase, wɔ Bete Awen eyia afiteleɛ.

1 Samuel 14:46

Afei Sɔɔlo ambo Filistifoɛ so ko, na Filistifoɛ hɔle bɛ maen nu.

1 Samuel 14:52

Sɔɔlo aberɛ so amukoraa, ɔne Filistifoɛ bɛhone koɛ bɔ nu yɛ se ɔ. Sɛ né onwu bienzua anwoserɛniɛ anaa koɛhonɛniɛ ahoneserɛniɛ biala a, ɔfa ye boka ye koɛhonɛfoɛ nemɔ aso.

1 Samuel 7:7

Mmerɛ bɔ Filistifoɛ tele kyɛ Yisraelfoɛ baayia nu wɔ Misepa nen, Filisti ahemvo mɔ hɔle kyɛ bɛkwaafa koɛ bɛtoa Yisrael. Na Yisraelfoɛ tele sɔ dwirɛ nen, Filistifoɛ nwo suronyi tɔle bɛ so.