1 Samuel 16:4 - AHYERƐLƐ KRONGRON

⁴ Samuel yɔle bɔ AWURADE hyɛle ye ne, na ɔhɔle Betlehem. Kuro berɛ mbanyi fale ahunundetelɛ beeyiale ye, na bebisale ye kyɛ, “W’atee so bɔkɔɔ de?”

1 Samuel 16:4 Iomraidhean Croise

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

Gyenesise 48:7

Ofikyɛ mvi Padan méba ne, atee nu, ɔhale kãa maa yɛdwu Efrate ne, Rahɛl wuli Kanaan aseɛ so mane me wora bɔle, na nziele ye wɔ Efrate (bɔ ye ole Betlehem) atee nu.”

2 Samuel 6:9

Dawide surole AWURADE sɔ kyẽa ne, na ɔhane kyɛ, “Ɔkɔyɛ sɛɛ né mahora mafa AWURADE alaka ne mahɔ m’awuro?”

1 Ahemvo 17:18

Yeɛ braa ne sele Elia kyɛ, “Nyameɛ sona, nzikyɛ dwirɛ yeɛ afa ali me ye? Ɛwale wa kyɛ ɛbaakaye me me bɔne, ná ɛma mma ne wu anaa?”

1 Ahemvo 2:13

Na Hagite awa Adoniya hɔle Solomon maame Bahyeba berɛ. Bahyeba bisale ye kyɛ, “Ɔte bɔkɔɔ de?” Obuale kyɛ, “Bɔkɔɔ.”

2 Ahemvo 9:22

Yoram nwuni Yehu pɛ, obisale ye kyɛ, “Yehu, ɔte bɔkɔɔ anaa?” Na obuale ye kyɛ, “Wɔ aberɛ bɔ eni Yesebɛl ɔtɛ so mmosoen ná ɔtɛ tira ahɔenlilɛ nu ne, ɔkɔyɛ sɛɛ né asomdwee awa?”

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Hosea 6:5

Yiti nnate me ngɔmhyɛlɛfoɛ so mapɛ bɛ magua, mafa me noa nu dwirɛ mahũhũ bɛ, na me ndɛenbualɛ te kyɛ kanea bɔ ɔ́ta ɔ.

Luka 2:4

Na Yosef koso, ofili Nasarɛte bɔ ɔwɔ Galilea sili nu hɔle Dawide kuro Betlehem bɔ ɔwɔ Yudea, ɔnate kyɛ né ofi Dawide awuro ne ye abusua nu.

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Luka 8:37

Na mmenia amukoraa bɔ bɛwɔ Gerasafoɛ mbɔtam berɛ ne, bɛsrɛle Yesu kyɛ ofi bɛ berɛ hɔ; ofikyɛ né ɛserɛ piri atɔ bɛ so. Yiti ɔfole ɛlɛen ne anu osa hɔle.

1 Samuel 21:1

Dawide hɔle ɔsɔfo Ahimɛlɛke berɛ wɔ Nɔbo. Ahimɛlɛke fale ahunundetelɛ ooyiale ye, na obisale ye kyɛ, “Nzu ati yeɛ wɔ ngome twe ɛnate ɔ bɔ ebiala ɔbboka wɔ so ye?”