1 Samuel 16:21 - AHYERƐLƐ KRONGRON

²¹ Na Dawide wale Sɔɔlo berɛ ɔɔyɛle ye somvoɛ. Sɔɔlo hurole Dawide dwirɛ paa, na ɔmane Dawide yɛle ye somvoɛ bɔ otira ye akodeɛ ɔ.

1 Samuel 16:21 Iomraidhean Croise

Gyenesise 41:46

Yosef hyɛle ye adwuma abo wɔ Misraim hene Faro ahemvie ne, né wali afoɛ aburasa. Na Yosef fili Faro awuro berɛ ɔɔpasale Misraim maen ne anu mukoraa.

1 Ahemvo 10:8

Ɛye mɔ ato ali! Wɔ somvoɛ hemɔ bɔ daa bɛso wɔ ná betie wɔ nworɛ dwirɛ ne, bato bali!

Edwein 118:9

Ɔte paa kyɛ ɛkɔfa wɔ nwo kɔto AWURADE so tra kyɛ ɛkɔfa wɔ wora kowura ahemvo mɔ nu ɔ.

Edwein 146:3

Nnɛma ɛmɔfa ɛmɔ wora bewura ahemvo mɔ nu, yeɛ nnɛma ɛmɔfa wora bewura adasa mmaa bɔ mmokalɛ biala mvi bɛ berɛ mma ɔ, bɛ nu.

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Anyandera 22:29

Aso anwu sona bɔ ɔyɛ ye adwuma ferengyemm ɔ? Ahemvo mɔ yeɛ okonya atee kɔso bɛ ɔ, ɔngɔso kwahweabaa mɔ.

Deuteronomi 1:38

Nakoso Nun awa Yosua bɔ ɔte wɔ bokafoɛ ne de, ɔkɔhɔ berɛ. Hyɛ ye nguraen, ofikyɛ ye yeɛ okoli Yisrael nyunu maa ye sa kɔha aseɛ ne ɔ.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Maenbulɛfoɛ 9:54

Berɛ ne ala, Abimɛlɛke frɛle aberandeɛ bɔ otira ye akodeɛ ne sele ye kyɛ, “Twe wɔ ngrandɛ ná ku me, amaa mmenia banga bamva me nwo kyɛ, ‘Brasua yeɛ ohuni ye ɔ.’ ” Yiti aberandeɛ ne hwene ye ngrandɛ fa wɔle ye maa owuli.

1 Samuel 16:22

Afei Sɔɔlo somane maa beesele Yese kyɛ, “Ma Dawide tena me nwo wa ɔso me, ofikyɛ mekuro ye dwirɛ paa.”

1 Samuel 17:15

Nakoso Dawide de, né ɔyɛ a ofi Sɔɔlo nwo ɔkɔnea ɔse mmoaen so wɔ Betlehem osa ba.

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”

1 Samuel 19:7

Nziɛ ye, Yonatan frɛle Dawide, na ɔhane edwirɛ ne amukoraa hyirele ye. Afei Yonatan fale Dawide hɔle Sɔɔlo berɛ, na ɔtenane Sɔɔlo berɛ sole ye kyɛ daa ne ala.