1 Samuel 16:18 - AHYERƐLƐ KRONGRON

¹⁸ Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 16:18 Iomraidhean Croise

Gyenesise 39:2

Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro.

Gyenesise 39:23

Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.

2 Samuel 14:20

Wɔ somvoɛ Yoabo yɔle sɔ, kyɛbɔ engonwu edwirɛ ne asi ɔ. Nakoso me mene, ɛse nworɛ kyɛ Nyameɛ abɔfo ala, bɔ ɔmaa enwu aseɛ ye aso dwirɛ amukoraa ɔ.”

2 Samuel 17:10

Sɛ ɔba ye sɔ a, koɛhonɛniɛ bɔ ye ahone yɛ se te kyɛ gyata ne po, ɔkɔbɔ fuin. Ofikyɛ Yisraelfoɛ amukoraa bɛse kyɛ wɔ baba te koɛhonɛniɛ, yeɛ ye mmenia nemɔ koso bɛte koɛhonɛfoɛ ahoneserɛfoɛ.

2 Samuel 17:8

Na Husae toale so sele kyɛ, “Ɛse kyɛ wɔ baba ne ye mmenia nemɔ bɛte koɛhonɛfoɛ, na bɛ nye aboro kyɛ kwabrafo bɔ ebie ahye ye mma wɔ eburo ɔ. Asa koso, wɔ baba se koɛ ko paa, na ɔne koɛhonɛfoɛ nemɔ bɛngɔla neka horɛ kɔngɔen.

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

1 Samuel 10:7

Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.

1 Samuel 16:12

Yese somane maa bɛɛfale ye bɛwale. Né ɔte sona bɔ ɔte apɔ, ye nye mmaa dabadabaa, na ye nwo yɛ nyemene. Na AWURADE sele kyɛ, “Ɛhe ɛne, dwɔso fa ɛpopalɛ ngoo ne gua ye ti so!”

1 Samuel 16:17

Na Sɔɔlo sele ye somvoɛ nemɔ kyɛ, “Ɛmɔɔpena sona bɔ ɔse ye bɔ paa bɛma me.”

1 Samuel 16:19

Yiti Sɔɔlo tuli bɔfoɛ maa bɛhɔle Yese berɛ beesele ye kyɛ, “Ɛwa Dawide bɔ ɔnea mmoaen so ne, maa ɔbra me wa.”

1 Samuel 17:12

Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.