1 Samuel 16:13 - AHYERƐLƐ KRONGRON

¹³ Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.

1 Samuel 16:13 Iomraidhean Croise

2 Samuel 12:7

Yeɛ Natan sele Dawide kyɛ, “Wɔ yeɛ abɔ sɔ bra ne! Na AWURADE Yisrael Nyameɛ nwa nyoo: Me yeɛ mbopale wɔ ngoo mvale wɔ nzili Yisrael so hene ɔ, me yeɛ nnele wɔ mvili Sɔɔlo sa nu ɔ.

2 Samuel 2:4

Afei Yuda mmienzua wale bɛɛpopale Dawide ngoo, na bɛfale ye besili Yuda awuro ama so hene wɔ berɛ. Mmerɛ bɔ bɛbɔle Dawide amaneɛ kyɛ Yabese Gileadefoɛ yeɛ besiele Sɔɔlo nen,

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

2 Samuel 5:3

Mbanyi ne amukoraa wale Nana Dawide berɛ wɔ Hebron. Nana Dawide ne bɛ yɛle apam wɔ AWURADE nyunu wɔ Hebron, na bɛpopale Dawide ngoo bɛfale ye besili Yisrael so hene.

2 Ahemvo 9:6

Yiti Yehu dwɔso hɔle sua nu. Ngɔmhyɛlɛniɛ aberandeɛ ne hwiele ngoo ne guale ye ti so, na osele ye kyɛ, “AWURADE Yisrael Nyameɛ nwa: Mapopa wɔ ngoo mafa wɔ masie AWURADE maen Yisrael so hene.

1 Aberɛso Dwirɛ 11:3

Yiti Yisrael mbanyi amukoraa bɛwale Nana Dawide berɛ wɔ Hebron, na Dawide ne bɛ yɛle apam wɔ AWURADE nyunu wɔ Hebron. Na bɛpopale Dawide ngoo bɛfale ye besili Yisrael so hene, kyɛbɔ AWURADE dwirɛ bɔ ɔnate Samuel so hane ne, ɔte ne ala.

Edwein 89:20

Manwu me somvoɛ Dawide, mafa me ngoo krongron ne mapopa ye.

Edwein 89:21

Me tumi kogyina ye si, na m’abasa ne kɔma ye anwoserɛ.

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 27:18

Na AWURADE buale Mose kyɛ, “Ye Nun awa Yosua, bɔ sunzum ne akanyane ye ne, ná fa wɔ sa gua ye so.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

Asomafoɛ 13:22

Ɛhe asi ne, Nyameɛ tuli Sɔɔlo fili bia so, na ɔfale Dawide sili bɛ so hene. Na edwirɛ he yeɛ Nyameɛ ha fale ye nwo ɔ: ‘Manwu Yese awa Dawide kyɛ ɔte sona bɔ ɔsɔ me nye, na ye yeɛ ɔkɔyɔ m’apɛdeɛ mukoraa ɔ’

Hebrifoɛ 1:9

Ekuro tenenee, na ekyi amumuyɛɛ. Ɛhe ati Nyameɛ, wɔ Nyameɛ aye wɔ; wafa anika ngoo wapopa wɔ maa wabo wɔ mmango mɔ deɛ so.”

Hebrifoɛ 11:32

Na nzikyɛ bieku koraa yeɛ nga ɔ? Ɔnate kyɛ sɛ mekã mmenia te kyɛ Gideon, Barake, Samson, Yɛfeta, Dawide, Samuel ne ngɔmhyɛlɛfoɛ nemɔ nwo dwirɛ a, ahaa mmerɛ kotia me.

Maenbulɛfoɛ 11:29

Yeɛ AWURADE Sunzum kanyane Yɛfeta, na Yɛfeta ɔɔpɛle nu Gileade ne Manase. Ɔtoale so hɔle Misepa bɔ ɔwɔ Gileade ne. Ofili Misepa bɔ ɔwɔ Gileade, na ɔpɛle nu fale koɛ ɔɔtoale Amonfoɛ.

Maenbulɛfoɛ 13:25

AWURADE Sunzum hyɛle ye bo kanyane ye wɔ Mahane Dan bɔ ɔwɔ Sora ne Esetao b’afia ne.

Maenbulɛfoɛ 14:6

AWURADE Sunzum wale ye so, na ole ye sa mbaen tetele gyata ne anu pasaa kyɛ wanya abɔngye ba bie bɔ ɔtete ye nu ɔ. Nakoso wanga bɔ wayɔ ne wangyire ye baba anaa ye maame.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

1 Samuel 1:19

Aleɛ hyene ne, bedwɔsole ngyerɛmɔ tutuutu bɛsɔnene AWURADE, na afei besa bɛhɔle bɛ kuro Rama. Ɛlkana ne ɔye Hana bɛlale, na AWURADE kayele Hana.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 10:6

Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.

1 Samuel 11:6

Na mmerɛ bɔ Sɔɔlo tele sɔ dwirɛ nen, Nyameɛ sunzum kanyane ye, na ɔfɛle yaa hahii.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 18:12

Né Sɔɔlo suro Dawide, ofikyɛ né AWURADE gyi Dawide si; nakoso Sɔɔlo de, né AWURADE aye ye sa wafi ye bo.

1 Samuel 2:35

Me de, ngɔtete ɔsɔfo nahorɛniɛ ko ngɔma me bɔbɔ me nwo, na ye yeɛ okoli m’ahone nu dwirɛ ne me nhyehyɛleɛ so ɔ. Ngɔma ye bosofoɛ koli sɔfo kɔhyɛ, na okoli sɔfo afebɔɔ kɔso sona bɔ mapopa ye ngoo ne.