1 Samuel 16:12 - AHYERƐLƐ KRONGRON

¹² Yese somane maa bɛɛfale ye bɛwale. Né ɔte sona bɔ ɔte apɔ, ye nye mmaa dabadabaa, na ye nwo yɛ nyemene. Na AWURADE sele kyɛ, “Ɛhe ɛne, dwɔso fa ɛpopalɛ ngoo ne gua ye ti so!”

1 Samuel 16:12 Iomraidhean Croise

Gyenesise 39:6

Yiti ɔfale ye nningyein amukoraati wurale Yosef sa. Na ɔnate kyɛ Yosef wɔ berɛ ne ati, né ɔnha ye nwo wɔ nikye fee nwo, sana aleɛ bɔ okoli angome. Né Yosef nwo yɛ nyemene na ɔbɔ pe.

2 Samuel 23:1

Dawide noa dwirɛ bɔ ɔpɛ ye bo ɛhe: Yese awa Dawide, ye noa dwirɛ, sona bɔ Nyameɛ apagya ye ne, ye noa dwirɛ, sona bɔ Yakob Nyameɛ apopa ye ngoo ne, Yisrael edweintolɛniɛ bɔ ye dwein fɛfɛɛfɛ ne, ye noa dwirɛ ɛhe:

2 Samuel 7:8

“Yiti ka kyire me somvoɛ Dawide kyɛ, Asafo AWURADE nwa nyoo: Me yeɛ nyele wɔ mvili mmoaen nealɛ nu, ɔne mmoaen si lilɛ nu, ná mvale wɔ nduale me maen Yisrael noa ɔ.

1 Ahemvo 1:34

Ɛ́mɔma ɔsɔfo Sadoke ne ngɔmhyɛlɛniɛ Natan bɛpopa ye ngoo bɛfa ye besi Yisrael so hene wɔ berɛ. Afei ɛ́mɔhu totorobɛndo ne, ná ɛmɔhã kyɛ, ‘Nana Solomon, wɔ ngoa so oo!’

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 78:70

Ɔneaneane nu yele ye somvoɛ Dawide, ɔyele ye fili mmoaen so nealɛ nu,

Ɛksadɔso 2:2

Braa ne nwonzɛle, na ɔwole baa bienzua. Na onwuni kyɛ ye nwo yɛ nyemene nen, ɔfale ye feale toonn bosome nza.

Edwein Nu Dwein 5:10

Me kurofoɛ ne, ɔte toburoo, na ɔgyegye, ɔda nzorɛ wɔ mmienzua apee buru nu.

Awuye 4:7

Né ye mbanyi mɔ bɛ nwo te tra asukɔtwea, né bɛ fufue tra nyɔfonesue, bɛ nwonaen ne, né ɔboro tra mbaen, ná ne bɛ nwonaen atɔ so te kyɛ kokwaboba.

Sakaria 4:14

Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Asomafoɛ 7:20

Sɔ mmerɛ ne yeɛ bɛwole Mose ɔ. na né ye nwo yɛ nyeme, na Nyameɛ hurole ye dwirɛ. Na bɛneane ye bosome nza wɔ ye baba awuro.

Hebrifoɛ 11:23

Ɔnate gyidie so yeɛ mmerɛ bɔ bɛwole Mose nen, ye awofoɛ fale ye feale tonn bosome nza ɔ; ofikyɛ benwuni kyɛ ye nwo yɛ nyemene, na banzuro kyɛ bekobu ɛhene ne mmeraa ne aso ɔ.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 17:42

Na Filistiniɛ ne tole ye nye ná onwuni Dawide nen, wammu ye sona bie, ofikyɛ né ɔte akwadaa ba bie. Né ɔboro, yeɛ né ye nwo yɛ nyemene.

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”

1 Samuel 9:17

Na Samuel nye bɔle Sɔɔlo so nen, AWURADE sele ye kyɛ, “Biaa bɔ ngane ye nwo dwirɛ ngyirele wɔ ne, ye ɛne. Ye yeɛ okoli me maen ne nyunu ɔ.”