1 Samuel 16:1 - AHYERƐLƐ KRONGRON

¹ AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:1 Iomraidhean Croise

1 Ahemvo 8:16

‘Ofi kyẽa bɔ nyele me maen Yisrael mvili Misraim mmale ɔ, nnneane Yisrael mmusua kure ne biala anu nnyele kuro bɔ ngosi sua ngosie so ngɔma me dumaa kɔla so ɔ. Nakoso nneane nu nyele Dawide kyɛ oli me maen Yisrael so.’

2 Ahemvo 9:1

Na ngɔmhyɛlɛfoɛ fekue ne, ngɔmhyɛlɛniɛ Elisa frɛle bɛ nu ko sele ye kyɛ, “Bɔ w’abɔsoɛ, fa sɔ ngoo towaa he tira, na kɔ Ramote Gileade.

2 Ahemvo 9:3

Afei ngoo towaa ne, hwie gua ye ti so, ná se ye kyɛ, ‘AWURADE nwa: Mapopa wɔ ngoo mafa wɔ mali Yisrael so hene.’ Eyie a, bukye anoa ne nwati kɔ. Nnɛyɛ ngyɛkyerɛ biala.”

2 Ahemvo 9:6

Yiti Yehu dwɔso hɔle sua nu. Ngɔmhyɛlɛniɛ aberandeɛ ne hwiele ngoo ne guale ye ti so, na osele ye kyɛ, “AWURADE Yisrael Nyameɛ nwa: Mapopa wɔ ngoo mafa wɔ masie AWURADE maen Yisrael so hene.

1 Aberɛso Dwirɛ 11:3

Yiti Yisrael mbanyi amukoraa bɛwale Nana Dawide berɛ wɔ Hebron, na Dawide ne bɛ yɛle apam wɔ AWURADE nyunu wɔ Hebron. Na bɛpopale Dawide ngoo bɛfale ye besili Yisrael so hene, kyɛbɔ AWURADE dwirɛ bɔ ɔnate Samuel so hane ne, ɔte ne ala.

1 Aberɛso Dwirɛ 28:4

AWURADE Yisrael Nyameɛ, ɔneaneane me nana abusuafoɛ nu yele me fale me sili Yisrael so hene afebɔɔ. Ofikyɛ ɔneane nu yele Yuda abusua kure kyɛ ɔla bɛ noa. Na Yuda awuro ama nu, ɔneane nu yele me baba awuro, yeɛ me baba mma mmienzua mɔ anu koso, ɔsɔle Nyameɛ nye kyɛ wamaa mali Yisrael amukoraa so hene ɔ.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yeremia 11:14

“Yiti wɔ de, nnɛpa kyerɛ ma sɔ maen he, yeɛ nnɛgyina bɛ gya nu fa abisadeɛ anaa mbaeɛ to me nyunu, ofikyɛ b’amaneɛnwunɛ mmerɛ nu, besu bɛfrɛ me a, mengɔtɛ bɛ so.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 6:30

Bɛfrɛ bɛ ‘Kɔɔbere Bɔ Bapo Ye Ɔ’, ofikyɛ AWURADE apo bɛ.”

Yeremia 7:16

“Yiti wɔ de, nnɛpa kyerɛ ma sɔ maen he, nnɛsũ ma bɛ, nnɛbɔ mbaeɛ ma bɛ, yeɛ nnɛsrɛ ma bɛ, ofikyɛ mengɔtɛ wɔ so.

Sakaria 4:14

Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”

Romanfoɛ 15:12

Yesaya kã ye bieku kyɛ, “Yese ndii ne kɔwa, ye yeɛ okodwɔso kooli Amaenmaensofoɛ so hene ɔ, na ye so yeɛ Amaenmaensofoɛ kɔfa bɛ nye bɛkɔto ɔ.”

Hebrifoɛ 11:32

Na nzikyɛ bieku koraa yeɛ nga ɔ? Ɔnate kyɛ sɛ mekã mmenia te kyɛ Gideon, Barake, Samson, Yɛfeta, Dawide, Samuel ne ngɔmhyɛlɛfoɛ nemɔ nwo dwirɛ a, ahaa mmerɛ kotia me.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 15:26

Na Samuel sele Sɔɔlo kyɛ, “Me ne wɔ ngosa ngɔhɔ, ofikyɛ apo AWURADE dwirɛ. Na Yisrael so hene bɔ edi ne, AWURADE koso waye ye sa wafi wɔ bo.”

1 Samuel 15:35

Na Samuel nye ammɔ Sɔɔlo nyunu ko kɔpem kyɛ Samuel wuli ɔ, nakoso Samuel lili Sɔɔlo nwo aworabɔlɛ. Na ɔyɛle AWURADE yea kyɛ wafa Sɔɔlo wali Yisrael so hene ɔ.

1 Samuel 16:15

Yiti Sɔɔlo somvoɛ nemɔ ha hyirele ye kyɛ, “Nana, sunzum tɛɛ bie bɔ ofi Nyameɛ berɛ yeɛ ɔteetee wɔ ɔ.

1 Samuel 16:23

Na mmerɛ biala, sɛ né Nyameɛ soma sunzum tɛɛ ne maa ɔte pe Sɔɔlo so a, ɔyɛ a Dawide bɔ sangoo ne ma Sɔɔlo nwo tɔ ye, ye nwo sande ye, na sunzum tɛɛ ne fi ye so kɔ.

1 Samuel 17:12

Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”