1 Samuel 15:8 - AHYERƐLƐ KRONGRON

⁸ Ɔhyele Amalɛkefoɛ hene Agage anyekaenn so, nakoso mmenia ne amu de, ɔfale ngrandɛ huhuni bɛ bɔkɔɔ.

1 Samuel 15:8 Iomraidhean Croise

2 Samuel 8:12

Sɔ nningyein ne fi Siria, Moabo, Amonfoɛ, Filistifoɛ ne Amalɛkefoɛ berɛ, yeɛ koɛ nu nzesadeɛ bɔ onya fili Soba hene Hadadesa bɔ ɔse ole Rehobo berɛ ne.

1 Ahemvo 20:30

Siria koɛhonɛfoɛ ngaa nemɔ nwatili bɛhɔle Afeke kuro ne anu; na fasue ne bu guale bɛ nu apee aburanyɔ ne nzoo bɔ baha ne aso. Ben Hadade koso nwatili, na ɔhɔle kuro ne anu kyɛ ɔkwaabɔ ye nwo adwaa.

1 Aberɛso Dwirɛ 4:43

Beehuhuni Amalɛkefoɛ ngaa bɔ bɛnwatili ne, na batena berɛ maa waadwu ɛnɛ ye.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Lewitikɔso 27:29

Sona biala bɔ babua kyɛ behũ ye ne, bɛngɔhora bɛngɔpɔ ye; odi kyɛ beku ye ɔ.

Numeri 24:7

Nzue kofi ye bua nu kɔtengyɛ, na ye boso ama konya nzue pee, ye hene kɔyɛ titire kɔtra Agage, na ye ahennie konya ngɔsoɛ.

Yosua 10:39

Olili kuro ne, nu hene, ɔne ye nwo nguro mɔ so ngonim. Bɛfale ngrandɛ behuhuni bɛ, na behuni kuro ne anu mmenia mukoraa bɔkɔɔ. Wanyakyi sona ko po. Na nikyee bɔ ɔfa yɔle Hebron, yeɛ Libina ne ye hene nen, sɔ ala yeɛ ɔfa yɔle Dɛbi ne ye hene ɔ.

Yosua 11:12

Yosua lili sɔ nguro ne amukoraa ne bɛ hene amukoraa so ngonim, na ɔfale ngrandɛ huhuni bɛ; ohuhuni bɛ bɔkɔɔ kyɛbɔ AWURADE somvoɛ Mose hyɛle ne.

Yosua 8:23

Nakoso Aye hene de, bɛhyele ye anyekaenn so, na bɛfale ye bɛbrɛle Yosua.

1 Samuel 15:20

Na Sɔɔlo buale Samuel kyɛ, “Mali AWURADE dwirɛ so. Adwuma bɔ AWURADE somane me fa wurale me sa ne, mayɔ. Mahye Amalɛke hene Agage mawa, na mahuhu Amalɛkefoɛ bɔkɔɔ.

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”

1 Samuel 22:19

Na asɔfo nemɔ bɛ kuro Nɔbo koso, ɔfale ngrandɛ huhuni berɛ ama mukoraa: mmienzua ne mmrasua, ngwadaa ne nnɔma, nandwie, afunum ne mmoaen.

1 Samuel 30:1

Ye ɛlɛsa ne aso, bɔ Dawide ne ye mmenia nemɔ beedwuli Siklage nen, né Amalɛkefoɛ baabɔ apaa wɔ Yuda ngwaen dɔ ne Siklage. Né bafa koɛ baatoa Siklage bato nu see.