1 Samuel 15:32 - AHYERƐLƐ KRONGRON

³² Afei Samuel sele kyɛ, “Ɛ́mɔfa Amalɛkefoɛ hene Agage bɛ́brɛ me!” Na Agage wale ye nwo berɛ bɔ né ye gya to brabra nu ɔ. Yeɛ Agage hane kyɛ, “Amba, ewueyealɛ ato me.”

1 Samuel 15:32 Iomraidhean Croise

Yeremia 48:44

Bɔ ɔkɔnwati ahunundetelɛ ne, ɔkɔtɔ kumaa ne anu, yeɛ bɔ ɔkɔfo kofi kumaa ne anu ne, ngaen ne kɔhye ye. Ofikyɛ ngɔma sɔ nningyein nemɔ kɔwa Moabo so, wɔ b’asohwenɛ afoɛ ne anu, AWURADE noa dwirɛ ɛne.

Hosea 6:5

Yiti nnate me ngɔmhyɛlɛfoɛ so mapɛ bɛ magua, mafa me noa nu dwirɛ mahũhũ bɛ, na me ndɛenbualɛ te kyɛ kanea bɔ ɔ́ta ɔ.

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

Yosua 10:22

Na Yosua sele kyɛ, “Ɛ́mɔye nyɔbotaen ne béfi nyɔboɛ bɔ wasi sua ne noa, ná ɛ́mɔye ahemvo nnu ne béfi nu bɛ́brɛ me.”

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

Maenbulɛfoɛ 8:11

Yiti Gideon fale teaseɛnam atee bɔ ɔla Noba ne Yobeha eyia afiteleɛ so ne aso, na oofuni koɛhonɛfoɛ nemɔ anu fale koɛ tetale bɛ.

1 Samuel 15:31

Yiti Samuel lili Sɔɔlo si ɔne ye bɛhɔle, na Sɔɔlo sɔnene AWURADE.

1 Samuel 15:33

Na Samuel sele kyɛ, “Kyɛbɔ wɔ ngrandɛ ama mmrasua bafa bɛ sa bafi terɛ ne, sɔ ala yeɛ mmrasua mɔ nu wora, eni kɔfa ye sa kofi terɛ ɔ.” Na Samuel pepɛle Agage nu ahuronzi ahuronzi wɔ AWURADE nyunu wɔ Gilgal.