1 Samuel 15:30 - AHYERƐLƐ KRONGRON

³⁰ Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”

1 Samuel 15:30 Iomraidhean Croise

2 Samuel 12:13

Yeɛ Dawide sele Natan kyɛ, “Yieee! Mayɔ bɔne matia AWURADE.” Na Natan buale Dawide kyɛ, “AWURADE afa wɔ bɔne wahyɛ wɔ, engowu.

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Yohane 12:43

ofikyɛ né bekuro mmenia nyunu animnyam bɛtra Nyameɛ nyunu animnyam.

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

2 Timoteo 3:5

bɛkɔyɛ bɛ nwo kyɛ basɔ nyamesom paa ne anu, nakoso bɛpo tumi bɔ ɔwɔ nu ne. Twe wɔ nwo fi sɔ mmenia nemɔ nwo.

1 Samuel 15:31

Yiti Samuel lili Sɔɔlo si ɔne ye bɛhɔle, na Sɔɔlo sɔnene AWURADE.

1 Samuel 26:21

Yeɛ Sɔɔlo sele kyɛ, “Mayɔ bɔne, mma Dawide, sa bra, na mengotu me nye ngosie wɔ so ko, ofikyɛ ɛnɛ ahyire kyɛ me ngoa nwo hia wɔ. Mali ngwaseasɛm, na mali edwirɛ tɛɛ piri paa.”