1 Samuel 15:29 - AHYERƐLƐ KRONGRON

²⁹ Asa koso, Yisrael Animnyam ne, ɔtte nnakannakaniɛ, yeɛ ɔnzesã ye adwene, ofikyɛ ɔtte kuro sona ná wasesã ye adwene.”

1 Samuel 15:29 Iomraidhean Croise

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

2 Timoteo 2:13

sɛ yɛnni nahorɛ a, ye de, odi nahorɛ daa, ofikyɛ ɔngora mbɛ ngondombo.”

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Edwein 68:35

Ao Nyameɛ, wɔ nwo yɛ suro wɔ w’atenaleɛ krongron berɛ. Yisrael Nyameɛ ne, ye yeɛ ɔma ye maen tumi ne anwoserɛ ɔ. Animnyam hã Nyameɛ!

Edwein 29:11

AWURADE kɔma ye maen anwoserɛ! AWURADE kɔfa asomdwee koyira ye maen!

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Deuteronomi 33:27

Ɛdangama Nyameɛ te w’afealeɛ, ɛfea ye sa afebɔɔ ne abo, Ɔfoane pɔfoɛ ne fili wɔ nyunu, na ɔhane kyɛ, ‘Kuku bɛ!’

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

Hebrifoɛ 7:21

na mmom ɛhe deɛ de, ɔtale ndaen hane kyɛ yoo: “Awurade ata ndaen, na ɔngɔkakyi ye adwene le, kyɛ, ‘Ɛte sɔfo afebɔɔ.’ ”