1 Samuel 15:26 - AHYERƐLƐ KRONGRON

²⁶ Na Samuel sele Sɔɔlo kyɛ, “Me ne wɔ ngosa ngɔhɔ, ofikyɛ apo AWURADE dwirɛ. Na Yisrael so hene bɔ edi ne, AWURADE koso waye ye sa wafi wɔ bo.”

1 Samuel 15:26 Iomraidhean Croise

Gyenesise 42:38

Na Yakob sele kyɛ, “Mengɔmaa ɛne mma ne ngɔhɔ, ofikyɛ oliɛma awu maa waha ye ngome. Sɛ edwirɛ tɛɛ bie to ye atee bɔ ɛmɔbaatu ye anu a, ye de ɛmɔkɔmaa nne aworabɔlɛ ngɔfa me gyein ye ngɔhɔ ɛborɔ.”

2 Samuel 12:9

Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

2 Samuel 7:15

Nakoso me dɔ pindinn ne de, mengɔye ngofi ye so, kyɛbɔ nyele ɔdɔ ne mvili Sɔɔlo so ne. Ye yeɛ nduli ye mvili bia so mvale wɔ nziele so ɔ.

Yeremia 6:19

Ao aseɛ, tie! Nea, mebaaprapra musue megua maen he aso; bɛ yɔleɛ ne, mmaa bɔ wasu hɔ ɛne, ofikyɛ bandie me noa dwirɛ, na me mmeraa koso, bapo.

Hosea 13:11

Mvɛle yaa nzili hene mane ɛmɔ, na nyele ye mvili berɛ wɔ m’ahonehulɛ nu.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Asomafoɛ 13:22

Ɛhe asi ne, Nyameɛ tuli Sɔɔlo fili bia so, na ɔfale Dawide sili bɛ so hene. Na edwirɛ he yeɛ Nyameɛ ha fale ye nwo ɔ: ‘Manwu Yese awa Dawide kyɛ ɔte sona bɔ ɔsɔ me nye, na ye yeɛ ɔkɔyɔ m’apɛdeɛ mukoraa ɔ’

2 Yohane 1:11

Ofikyɛ ebiala bɔ ɔyɛ ye akwaaba ne, ɔyɔ ye yɔleɛ tɛɛ ne bie.

1 Samuel 13:14

nakoso kekesaala ye de, w’ahennie ne ngogyina. AWURADE apena sona bɔ ɔla ye ahone nwo ɔ, na AWURADE afa ye ali ye maen so hene, ofikyɛ anni edwirɛ bɔ AWURADE hyɛle wɔ ne aso.”

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 15:31

Yiti Samuel lili Sɔɔlo si ɔne ye bɛhɔle, na Sɔɔlo sɔnene AWURADE.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.

1 Samuel 28:18

Andie AWURADE dwirɛ, yeɛ ye yaa hahii bɔ wafɛ Amalɛkefoɛ so ne, angyina so annua bɛ boso, yiti yeɛ AWURADE ama edwirɛ he ato wɔ ɛnɛ ye.