1 Samuel 15:24 - AHYERƐLƐ KRONGRON

²⁴ Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.

1 Samuel 15:24 Iomraidhean Croise

Gyenesise 3:12

Na biaa ne buale kyɛ, “Braa ne bɔ ɛfale ye ɛɛbokale me so ne, ye yeɛ ɔfale bakaa ne mma ne mane me ɔ, yeɛ me koso nnili ɔ.”

Gyenesise 3:17

Na Nyameɛ sele Adam koso kyɛ, “Kyɛbɔ atie bɔ ɛye hane, na ali bakaa bɔ nganzole wɔ kyɛ ‘nnɛdi ye mma ne bie’ ne ati, ɔnate wɔ ti, musue aha aseɛ. Na ɛfɛɛ paa yeɛ ɛkɔfɛ koraa né adidi so w’asetena mukoraa nu ɔ.

2 Samuel 12:13

Yeɛ Dawide sele Natan kyɛ, “Yieee! Mayɔ bɔne matia AWURADE.” Na Natan buale Dawide kyɛ, “AWURADE afa wɔ bɔne wahyɛ wɔ, engowu.

YOB NWOMAA NE 31:34

ɔnate kyɛ né mesuro mmenia worawora ne, yeɛ né mesuro kyɛ mmusua mmusua mɔ kobu me animtia, yiti ɔmaa nyɛle konn, na mamvite aluo.

Edwein 51:4

Wɔ ngome, wɔ ngome twe, yeɛ mayɔ bɔne matia wɔ ɔ, na mayɔ bɔ ɔte bɔne wɔ wɔ nyunu ɔ. Yiti sɛ ebua me fɔ a, ɔte turoloo, na sɛ ebua me ndɛen a, edi be.

Ɛksadɔso 10:16

Afei Faro hane ye nwo tole ye sa frɛle Mose ne Aarɔn maa bɛwale, na osele kyɛ, “Mayɛ bɔne matia AWURADE ɛmɔ Nyameɛ ne, ɔne ɛmɔ.

Ɛksadɔso 23:2

Nnɛdi mmeni soma si ɛkɔyɔ bɔne. Sɛ édi dwirɛ bie nwo adanzeɛ a, nnɛdi mmeni soma noa dwirɛ si, ná angyea nahorɛ ne;

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Yeremia 38:5

Na Nana Sedekia sele kyɛ, “Ɛ́mɔtie, ɔwɔ ɛmɔ sa nu, ofikyɛ me bɔ nde ɛhene ne, mengɔhora mengotu ɛmɔ noa dwirɛ mengogua.”

Numeri 22:34

Yeɛ Balaam sele AWURADE abɔfo ne kyɛ, “Mayɔ bɔne, ofikyɛ né menze kyɛ agyina atee ne anu kyɛ esi me ate ɔ. Afei, sɛ bɔ meyɔ ne ɔnzɔ wɔ nye a, ye de, mesa mekɔ awuro.”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

1 Samuel 15:15

Yeɛ Sɔɔlo buale kyɛ, “Amalɛkefoɛ mɔ dɔ yeɛ koɛhonɛfoɛ nemɔ bɛ ne bɛ fi wale ɔ, ofikyɛ bɛyakyili mmoaen paa ne nandwie paa nemɔ kyɛ bɛbaafa bɛbɔ afɔleɛ bɛma AWURADE wɔ Nyameɛ. Nakoso bɛ ngaa nemɔ de, yahũhũ bɛ bɔkɔɔ.”

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”

1 Samuel 15:9

Sɔɔlo ne koɛhonɛfoɛ nemɔ bangu Agage, mmoaen ne nandwie paa nemɔ, nandwie sayɛɛ nemɔ, ɔne mmoaen mmaa nemɔ, yeɛ banzɛkye nikyee biala bɔ ɔte paa ɔ. Banguro kyɛ bekohu bɛ ɔ. Nakoso nikyee biala bɔ bebuli ye kyɛ ɔtte mayee ná ye nwo olle mvasoɛ ne de, bɛsɛkyele ye bɔkɔɔ.

1 Samuel 2:29

M’afɔleɛ ne m’afɔleɛ nningyein bɔ mahyɛ kyɛ bɛbɔ ye wɔ m’atenaleɛ ne anu ne, nzu ati yeɛ ɛmɔbu ye animtia ɔ. Nzu ati yeɛ ebu wɔ mma mɔ tra me ɔ, bɔ ɛmɔfẽ me maen Yisrael b’afɔleɛ ne anu paa bedi bɛdɔ ɔ?’

1 Samuel 26:21

Yeɛ Sɔɔlo sele kyɛ, “Mayɔ bɔne, mma Dawide, sa bra, na mengotu me nye ngosie wɔ so ko, ofikyɛ ɛnɛ ahyire kyɛ me ngoa nwo hia wɔ. Mali ngwaseasɛm, na mali edwirɛ tɛɛ piri paa.”