1 Samuel 15:22 - AHYERƐLƐ KRONGRON

²² Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.

1 Samuel 15:22 Iomraidhean Croise

Gyenesise 4:4

Na Abel koso fale ye mmoaen ne anu nyii bɔ belili moa bɛwole bɛ ne, na ɔfale bɛ loe ne ɔɔbɔle afɔleɛ. Na AWURADE nye sɔle Abel ne ye afɔleɛ ne,

Ɛksadɔso 19:5

Na afei de, sɛ ɛmɔkoli me dwirɛ so, ná ɛmɔali m’apam ne aso a, ye de, ɛmɔkɔyɛ me bɔbɔ deinn me deɛ wɔ mmenia mukoraati nu, ofikyɛ aseɛ mukoraati te me deɛ.

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Nworɛ Dwirɛhanɛniɛ 5:1

Sɛ ɛkɔ Nyameɛ awuro a, nea wɔ nwo yé wɔ bɔ ɛkɔyɔ ɔ nwo. Ɛkɔ berɛ kotie ye a, ɔte paa tra afɔleɛ bɔ ngwaseafoɛ bɛbɔ ɔ. Ofikyɛ bɛ de, bɛnze kyɛ bɔne yeɛ bɛyɔ ɔ.

Yeremia 11:4

apam bɔ nhyehyɛle mane ɛmɔ nana mɔ mmerɛ bɔ nyele bɛ mvili Misraim aseɛ so, buralɛ foonoo nu ne. Na ngane kyɛ, ɛ́mɔtie me dwirɛ, na ɛ́mɔli ahyɛdeɛ amukoraa bɔ mafa mama ɛmɔ ne aso. Ɔba ye sɔ a, ɛmɔkɔyɛ me maen, ná me koso mayɛ ɛmɔ Nyameɛ,

Yeremia 11:7

Ofikyɛ mmerɛ bɔ nyele ɛmɔ nana mɔ mvili Misraim aseɛ so mmale ne, mmɔle bɛ kɔkɔ kitii, na mahɔ so mabɔ bɛ kɔkɔ maa waadwu ɛnɛ kyɛ, Ɛ́mɔtie me dwirɛ.

Yeremia 26:13

Yiti kekesaala ye, ɛ́mɔsakyera ɛmɔ adwene ne ɛmɔ yɔleɛ, ná ɛ́mɔtie AWURADE ɛmɔ Nyameɛ dwirɛ, na AWURADE kɔsesã ye adwene wɔ musue bɔ wahã kyɛ ɔkɔprapra kogua ɛmɔ so ne anwo.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Mateo 12:7

Na sɛ ɛmɔte edwirɛ he abo, kyɛ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ’ a, ahaa ɛmɔammua bɛ bɔ benni fɔ ne fɔ.

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Mateo 5:24

yakyi w’ayɛyɛdeɛ ne to afɔleɛ bokyea ne nyunu berɛ, ná kɔ ɛne eliɛma ne bɛɛbɔ nu koraka né afa w’ayɛyɛdeɛ ne aabɔ afɔleɛ ne.

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Marko 12:33

na sɛ ɛfa w’ahone amukoraa ne wɔ ndeaseɛ amukoraa ne wɔ kra amukoraa ne w’anwoserɛ amukoraa ekuro ye dwirɛ, ná ekuro ebiɛngo dwirɛ kyɛ wɔ bɔbɔ wɔ nwo a, ɔte paa tra ɛyeralɛ afɔleɛ ne afɔleɛ amukoraa.”

1 Samuel 13:12

Yiti nzusuli kyɛ, ‘Afei de, Filistifoɛ kɔɔfa koɛ kɔtoa me wɔ Gilgal, yeɛ AWURADE berɛ mmokalɛ koso nnya nnzrɛle.’ Yiti ɔmaa nnili me bɔbɔ me ti piri mmɔle naen yeralɛ afɔleɛ ne.”

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,