1 Samuel 15:17 - AHYERƐLƐ KRONGRON

¹⁷ Na Samuel sele kyɛ, “Ɔwɔ nu kyɛ ebu wɔ nwo kyɛ ɛte kwahweabaa bie de, nakoso aso nna wɔ yeɛ ɛla Yisrael mmusua kure nemɔ noa ɔ? AWURADE popale wɔ ngoo fale wɔ lili Yisrael so hene;

1 Samuel 15:17 Iomraidhean Croise

Hosea 13:1

Sɛ né Efraim odwudwo a, mmenia nwo wosowoso bɛ; ɔmane ye nwo so wɔ Yisrael, na ɔnate kyɛ ɔsɔnene Baal ne ati, ɔyɔle bɔne, na owuli.

Mateo 18:4

Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Maenbulɛfoɛ 6:15

Gideon buale kyɛ, “Me mene, me yeɛ nne nwa bɔ mekora mepepɛ mede Yisrael ɔ? Manase abusua kure nu, m’abusua yeɛ yɛte awiɛmvoɛ koraa ɔ, na m’abusua nu koso, me yeɛ nde kãa paa ɔ.”

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 10:22

Yiti besa bebisale AWURADE kyɛ, “Sɔ sona ne, aso wamma wa bie anaa?” Na AWURADE buale kyɛ, “Ɛ́mɔnea, waafea nningyein bɔ baboaboa ye noa ne anu.”

1 Samuel 15:16

Yeɛ Samuel sele Sɔɔlo kyɛ, “Pɛ so! Maa nga bɔ AWURADE ha hyirele me ɛnɛ kɔngɔen ye ngyire wɔ.” Na osele kyɛ, “Kã e.”

1 Samuel 9:21

Na Sɔɔlo buale kyɛ, “Nde Benyaminniɛ. Yisrael mmusua kure nemɔ, Benyamin yeɛ ɔte kãa paa wɔ nu ɔ. Na Benyamin abusua kure ne, m’abusua yeɛ ɔte awiɛmvoɛ paa wɔ mmusua ne amukoraa nu ɔ. Na nzu ati yeɛ aha sɔ dwirɛ he ahyire me ɔ?”