1 Samuel 15:15 - AHYERƐLƐ KRONGRON

¹⁵ Yeɛ Sɔɔlo buale kyɛ, “Amalɛkefoɛ mɔ dɔ yeɛ koɛhonɛfoɛ nemɔ bɛ ne bɛ fi wale ɔ, ofikyɛ bɛyakyili mmoaen paa ne nandwie paa nemɔ kyɛ bɛbaafa bɛbɔ afɔleɛ bɛma AWURADE wɔ Nyameɛ. Nakoso bɛ ngaa nemɔ de, yahũhũ bɛ bɔkɔɔ.”

1 Samuel 15:15 Iomraidhean Croise

YOB NWOMAA NE 31:33

Sɛ makata me mmeraatolɛ so kyɛbɔ adasa yɔ ne, bɔ mafa m’amumuyɛɛ mafea me ti anu,

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Mateo 2:8

Afei ɔsomane bɛ Betlehem, na osele kyɛ, “Ɛmɔhɔ, ná ɛ́mɔma ɛmɔ nye boro bɛpena akwadaa ne; na sɛ ɛmɔnwu ye a, ɛmɔɔbɔ me amaneɛ, ná me koso ngɔnzɔne ye bie.”

Luka 10:29

Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

1 Samuel 15:16

Yeɛ Samuel sele Sɔɔlo kyɛ, “Pɛ so! Maa nga bɔ AWURADE ha hyirele me ɛnɛ kɔngɔen ye ngyire wɔ.” Na osele kyɛ, “Kã e.”

1 Samuel 15:21

Nakoso koɛ nu nzesadeɛ ne, bɔ AWURADE atu asie berɛ kyɛ bɛsɛkye ye ne, koɛhonɛfoɛ nemɔ fale mmoaen paa ne nandwie paa ne bie, kyɛ bɛbaafa bɛbɔ afɔleɛ bɛma AWURADE wɔ Nyameɛ wɔ Gilgal.”

1 Samuel 15:9

Sɔɔlo ne koɛhonɛfoɛ nemɔ bangu Agage, mmoaen ne nandwie paa nemɔ, nandwie sayɛɛ nemɔ, ɔne mmoaen mmaa nemɔ, yeɛ banzɛkye nikyee biala bɔ ɔte paa ɔ. Banguro kyɛ bekohu bɛ ɔ. Nakoso nikyee biala bɔ bebuli ye kyɛ ɔtte mayee ná ye nwo olle mvasoɛ ne de, bɛsɛkyele ye bɔkɔɔ.