1 Samuel 15:14 - AHYERƐLƐ KRONGRON

¹⁴ Nakoso Samuel bisale kyɛ, “Mmoaen suɛ bɔ ogua me so anu ye, ɔne nandwie suɛ bɔ mete ye koso ɛ?

1 Samuel 15:14 Iomraidhean Croise

Edwein 36:2

Ofikyɛ ode ye nwo di alaa maa ɔnate so ɔngora nwu ye amumuyɛɛ, maa ɔnate so ɔngora ngyi ye amumuyɛɛ ne.

Ɛksadɔso 32:21

Na Mose sele Aarɔn kyɛ “Nzikyɛ yɔleɛ paa yeɛ mmenia hemɔ fa yɔle wɔ ɔ, bɔ yiti amaa bayɔ bɔne pirikua sɔa ye?”

Luka 19:22

Na osele ye kyɛ, ‘Wɔ akoaa atianuserɛniɛ! Wɔ bɔbɔ wɔ noa dwirɛ yeɛ ngogyina so ngobua wɔ foɛ ɔ! Ɛse kyɛ nde sona bɔ me dwirɛ yɛ se ɔ, bɔ mefa bɔ mamva mando berɛ ɔ, yeɛ mebu bɔ nnuale ɔ.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

1 Samuel 15:15

Yeɛ Sɔɔlo buale kyɛ, “Amalɛkefoɛ mɔ dɔ yeɛ koɛhonɛfoɛ nemɔ bɛ ne bɛ fi wale ɔ, ofikyɛ bɛyakyili mmoaen paa ne nandwie paa nemɔ kyɛ bɛbaafa bɛbɔ afɔleɛ bɛma AWURADE wɔ Nyameɛ. Nakoso bɛ ngaa nemɔ de, yahũhũ bɛ bɔkɔɔ.”