1 Samuel 15:12 - AHYERƐLƐ KRONGRON

¹² Samuel pɛle aleɛ dwɔsole kyɛ ɔkwaapena Sɔɔlo. Na bɛha behyirele Samuel kyɛ, “Sɔɔlo ahɔ Kamɛl, nekaa bɔ wasi ngayeɛ nikyee wafa wahyɛ ye nwo animnyam ne, na waase wapɛ nu wahɔ Gilgal.”

1 Samuel 15:12 Iomraidhean Croise

Gyenesise 21:14

Yiti Abraham dwɔsole ngyerɛmɔ tutuutu, na ɔfale aleɛ ne kɔndoa bɔ nzue wɔ nu mane Hagar fa tole ye kɔme anwo, na oguale ye ne ɔwa ne ate. Hagar sili nu hɔle, na oohyinihyini Beɛ Hyeba ɛserɛ so.

2 Samuel 18:18

Mmerɛ bɔ né Absalom te ase ne, nyɔboɛ bɔ ɔwɔ Ɛhene Bɔnza ne anu ne, ɔfa penane berɛ yɛle ye bɔbɔ ye nwo ngayeɛ, ofikyɛ ɔhane kyɛ, “Nnne baa bienzua biala bɔ ɔnate ye so bɛkɔkaye me dumaa ɔ.” Ɔfale ye dumaa tole ngayeɛ nyɔboɛ ne aso, na bɛfrɛ ye Absalom ngayeɛ maa waadwu ɛnɛ.

2 Samuel 23:35

Hesro bɔ ofi Kamɛl, Abiniɛ Paarae,

1 Ahemvo 18:42

Yiti Ahabo hɔle oodidili na ɔnone nzue. Nakoso Elia de, ɔfo hɔle Kamɛl bokaa ne ti afia. Berɛ, Elia bɔle ye nu ase, na ɔfale ye ti wurale ye sɔ nu.

2 Aberɛso Dwirɛ 26:10

Osisili abandenden mɔ wɔ ɛserɛ ne aso, na otutuli abura pee, ofikyɛ né ole nyɛmmoa pee wɔ aseɛ frɛtɛɛ ne aseɛ pralaa ne aso. Né osa ole akuafoɛ mɔ ne bɛ bɔ betwi bobe nzaa wɔ mmokaa nemɔ aso ne aseɛ bɔ ɔkye aleɛ nemɔ aso, ofikyɛ né ye nye gye kua nwo.

Yosua 15:55

Mayɔn, Kamɛl, Sife, Yuta,

1 Samuel 13:12

Yiti nzusuli kyɛ, ‘Afei de, Filistifoɛ kɔɔfa koɛ kɔtoa me wɔ Gilgal, yeɛ AWURADE berɛ mmokalɛ koso nnya nnzrɛle.’ Yiti ɔmaa nnili me bɔbɔ me ti piri mmɔle naen yeralɛ afɔleɛ ne.”

1 Samuel 13:15

Na Samuel fili Gilgal sili nu hɔle. Afei koɛhonɛfoɛ bɔ baha berɛ ne, belili Sɔɔlo si bɛɛbokale bɛ mmango nemɔ aso. Na befili Gilgal bɛhɔle Gibea bɔ ɔwɔ Benyamin. Sɔɔlo hale koɛhonɛfoɛ bɔ baha ye nwo berɛ ne, na né bɛ somaa te mmienzua kɔyɛ ɛyaa nzia.

1 Samuel 17:20

Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.

1 Samuel 25:2

Né biaa bie wɔ Mayɔn bɔ ole agyapadeɛ wɔ Kamɛl ɔ. Né ye sa nu le bie paa, bɔ né ole mmoaen apee nza ne mbɔngye apee ko ɔ. Mmerɛ bie, né ɔpepɛ ye mmoaen nwo nwiaa wɔ Kamɛl.

1 Samuel 7:12

Afei Samuel fale nyɔboɛ penane Misepa ne Sɛn b’afia, ɔfrɛle nyɔboɛ ne Ebenesa, na ɔhane kyɛ, “Ɛwa yeɛ AWURADE waboka yɛ waadwu ɔ.”