1 Samuel 14:41 - AHYERƐLƐ KRONGRON

⁴¹ Afei Sɔɔlo sele kyɛ, “Oo, AWURADE Yisrael Nyameɛ, nzu ati yeɛ ɛnɛ andɛ w’akoaa so ye? Sɛ sɔ mvomsoɛ he fi me anaa mma Yonatan a, oo AWURADE Yisrael Nyameɛ, ma serewa ne ɔye Yurim ne. Nakoso sɛ sɔ mvomsoɛ he fi wɔ mmenia Yisraelfoɛ a, ye de ma serewa ne ɔye Tumim ne.” Serewagualɛ ne yele Sɔɔlo ne Yonatan, na koɛhonɛfoɛ nemɔ nwo sale.

1 Samuel 14:41 Iomraidhean Croise

Anyandera 16:33

Mmenia gua serewa de, nakoso nu ngyerɛmuɛ ne amukoraa ofi AWURADE.

Anyandera 18:18

Serewagualɛ ma aporowaa so pɛ, na obua tumifoɛ mɔ b’afia ndɛen.

Yona 1:7

Yeɛ besisele bɛ nwo bɛ nwo kyɛ, “Ɛmɔbra maa yɛgua serewa, amaa ɔnate so yanwu sona horɛ bɔ ye ti yeɛ sɔ musue he wato yɛ ye.” Yiti beguale serewa, na serewa ne yele Yona.

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 1:26

Beguale bɛ munyɔ bɛ so serewa, na serewa ne yele Matiase; na bɛfale ye bɛbokale asomafoɛ buru ne ko ne aso.

1 Samuel 14:40

Na Sɔɔlo sele Yisrael amukoraa kyɛ, Ɛ́mɔgyina bue ko, maa me ne mma Yonatan koso yɛ́gyina bue ko.” Na koɛhonɛfoɛ nemɔ buale Sɔɔlo kyɛ, “Bɔ ekuro kyɛ ɛyɔ biala, yɔ.”

1 Samuel 14:42

Na Sɔɔlo sele kyɛ, “Me ne mma Yonatan, ɛ́mɔgua yɛ so serewa.” Na serewa ne yele Yonatan.