1 Samuel 14:3 - AHYERƐLƐ KRONGRON

³ Né Ahiya boka bɛ so wɔ berɛ. Ye yeɛ né owura ɔsɔfo ataadeɛ ne ɔ. Ɔse ole Yikabode aliɛma Ahitubo, bɔ ɔse ole Finehase, bɔ ye koso ɔse ole AWURADE sɔfo Eli bɔ né ɔwɔ Silo ne. Né koɛhonɛfoɛ nemɔ nze kyɛ Yonatan afi berɛ ahɔ ɔ.

1 Samuel 14:3 Iomraidhean Croise

1 Samuel 1:3

Afoɛ biala, né Ɛlkana fi ye kuro kɔ Silo kɔsɔne Asafo AWURADE ná ɔbɔ afɔleɛ ma ye wɔ berɛ. Hofini ne Finehase bɔ bɛte Eli mma mmienzua nyɔ ne, né bɛte AWURADE asɔfo wɔ Silo.

1 Samuel 14:36

Afei Sɔɔlo sele kyɛ, “Ɛ́mɔma yɛtorotoro yɛpo Filistifoɛ so kɔngɔen ye, ná yɛhũhũ bɛ toonn ma oodwu ngyerɛmɔ. Yɛngɔma bɛ nu ko po ngonya ye ti ngodidi nu.” Na bebuale ye kyɛ, “Bɔ ekuro kyɛ ɛyɔ biala, yɔ.” Nakoso ɔsɔfo ne hane kyɛ, “Ɛ́mɔma yɛfa edwirɛ ne yɛto Nyameɛ nyunu wɔ ɛwa yɛnea.”

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.

1 Samuel 2:28

Nneaneane nu nyele ye mvili Yisrael mmusua kure amukoraa nu kyɛ ɔɔyɛ ɔsɔfo ma me, kyɛ ɔhɔ m’afɔleɛ bokyea nwo, ɔ́yera ɛyɛɛ, ná ówura ɔsɔfo ataadeɛ ógyina me nyunu. Na see so afɔleɛ mukoraa bɔ Yisraelfoɛ bɛbɔ bɛma me ne, mva nwurale wɔ nana abusua ne sa.

1 Samuel 22:20

Nakoso Ahitubo awa Ahimɛlɛke ɔwa bienzua ko bɔ oli Abiata ne, onyane atee nwatili, na ɔhɔle Dawide berɛ.

1 Samuel 4:21

Ɔtole akwadaa ne dumaa Yikabode, bɔ ye bo kyire: “Animnyam ne atu afi Yisrael.” Ɔnate kyɛ, né bale Nyameɛ apam alaka ne bahɔ, yeɛ afei né ye sia ne ohu koso bawu.

1 Samuel 4:4

Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.