1 Samuel 14:22 - AHYERƐLƐ KRONGRON

²² Sɔ ala yeɛ Yisraelfoɛ amukoraa bɔ né baafeafea Efraim mmokaa ne anu dɔ ne, bɛtele kyɛ Filistifoɛ bɛ́nwati nen, bɛ koso bɛfoane bɛ bɛɛfale koɛ bɛtoale bɛ ɔ.

1 Samuel 14:22 Iomraidhean Croise

Maenbulɛfoɛ 7:23

Yeɛ Yisraelfoɛ frɛfrɛle bɛ koɛhonɛfoɛ befili Nafetali, Asɛ ɔne Manase amukoraa, na bɛpole Midianfoɛ nemɔ so.

1 Samuel 13:6

Yisraelfoɛ nwuni kyɛ koɛ ne anu ayɛ se ama bɛ, (ofikyɛ né Filistifoɛ ama koɛhonɛfoɛ nemɔ ali amia). Na bɛɛfeafeale nyɔboɛ bɔ wasi sua nu, ngumaa nu, nyɔbotaen nu, asieleɛ ne abura mɔ nu.

1 Samuel 14:11

Yiti bɛ munyɔ bɛmane Filistifoɛ koɛhonɛfoɛ nemɔ nwuni bɛ. Na Filistifoɛ sele kyɛ, “Ɛ́mɔnea, Hebrifoɛ befi ngumaa bɔ baafeafea nu nemɔ anu béfitefite.”

1 Samuel 31:7

Na Yisrael koɛhonɛfoɛ bɔ né bɛwɔ bɔnza ne asi dɔ ne, ɔne bɛ bɔ né bɛwɔ asue Yɔɔdan si dɔ ne, mmerɛ bɔ benwuni kyɛ Yisrael koɛhonɛfoɛ nemɔ banwati, ná Sɔɔlo ne ye mma mmienzua nemɔ koso bawuwu nen, bɛnwatili befili bɛ nguro nemɔ aso, na Filistifoɛ wale bɛɛfale nguro nemɔ bɛtenane so.