1 Samuel 14:16 - AHYERƐLƐ KRONGRON

¹⁶ Sɔɔlo koɛhonɛfoɛ bɔ bɛwɔ Benyamin kuro Gibea, bɔ bɛtetɛ pɔfoɛ nemɔ ne, bɛtotole bɛ nye, na benwuni kyɛ Filistifoɛ ɛlɔen ne babɔ aya.

1 Samuel 14:16 Iomraidhean Croise

Edwein 58:7

Maa betu bemini kyɛ nzue bɔ ɔse ɔ, maa betiatia bɛ so, ná bɛkese kyɛ ɛserɛ.

Edwein 68:2

Kyɛbɔ mvrama bɔ nwosina kɔ ne, sɔ ala yeɛ foa bɛ maa bɛhɔ ɔ; ao Nyameɛ, kyɛbɔ sakyeɛ huro wɔ see nu ne, sɔ ala yeɛ maa bɔnefoɛ bewuwu wɔ wɔ nyunu ɔ.

Yesaya 19:2

Ngɔkanyane Misraimfoɛ maa bekodwɔso bekotia Misraimfoɛ, bɛkɔho, aliɛmaa ne aliɛmaa bɛkɔho, abiɛngoɛ ne abiɛngoɛ bɛkɔho, kuro ne kuro bɛkɔho, na ahennie ne ahennie bɛkɔho.

Maenbulɛfoɛ 7:22

Behuli totorobɛndo ɛyaa nza nemɔ nen, AWURADE mane Midian koɛhonɛfoɛ nemɔ bɔbɔ bɛpɛle bɛ nwo bɛfale ngrandɛ behuhuni bɛ nwo. Na bɛnwatili toonn beedwuli Bete Sita. Bɛfale bɛ nye behyirele Serera beedwuli Abel Melola wɛen so, bɔ opingye Tabate ne.

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.

1 Samuel 14:17

Na Sɔɔlo sele koɛhonɛfoɛ bɔ bɛboka ye so ne kyɛ, “Ɛ́mɔha mmenia ne bɛnea sona bɔ ɔnne wa bie ɔ.” Bɛhale mmenia ne, na benwuni kyɛ Yonatan ne ye somvoɛ bɔ otira ye akodeɛ ne bɛnne berɛ bie.

1 Samuel 14:20

Afei Sɔɔlo ne koɛhonɛfoɛ amukoraa bɔ bɛboka ye so ne, bɛboale bɛ noa, na bɛhɔle koɛ wɔ asikyeleɛ ne anu. Edwirɛ nwanwa! Né Filistifoɛ amukoraa bapɛ bɛ nwo bele ngrandɛ bɛ ne bɛ nwo bɛko, na ɛhe mane bagyabagya ne noa yɛle se paa.