1 Samuel 14:14 - AHYERƐLƐ KRONGRON

¹⁴ Mmenia bɔ Yonatan ne ye somvoɛ bɔ otira ye akodeɛ ne lili moa huhuni bɛ ne, bɛ somaa kɔyɛ aburanyɔ. Na nekaa bɔ bɛhone ne, berɛ piri kɔyɛ agyirɛ aburahona.

1 Samuel 14:14 Iomraidhean Croise

2 Samuel 17:9

Na kekesaala ye po, waafea kumaa bie anu, anaa nekaa bie. Sɛ yɛfa koɛ yɛkɔɔtoa bɛ, ná yɛ koɛhonɛfoɛ nemɔ bie totɔ a, ye de ebiala bɔ ɔkɔte ne, ɔkɔha kyɛ, ‘Mmenia bɔ beli Absalom si ne, batotɔ.’

Maenbulɛfoɛ 15:15

Samson nwuni afunum awogyee monɛ bie. Ɔkoto fale, na ɔfa huni mmienzua apee ko.

Maenbulɛfoɛ 9:54

Berɛ ne ala, Abimɛlɛke frɛle aberandeɛ bɔ otira ye akodeɛ ne sele ye kyɛ, “Twe wɔ ngrandɛ ná ku me, amaa mmenia banga bamva me nwo kyɛ, ‘Brasua yeɛ ohuni ye ɔ.’ ” Yiti aberandeɛ ne hwene ye ngrandɛ fa wɔle ye maa owuli.

1 Samuel 14:13

Afei Yonatan kongone fole bokaa ne, na ye somvoɛ bɔ otira ye akodeɛ ne koso lili ye si. Filistifoɛ totɔle wɔ Yonatan nyunu, na ye somvoɛ bɔ otira ye akodeɛ li ye si ne huhuni bɛ.

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.