1 Samuel 14:12 - AHYERƐLƐ KRONGRON

¹² Na koɛhonɛfoɛ bɔ bɛwɔ asikyeleɛ ne anu ne, bɛteane nu besele Yonatan ne ye somvoɛ bɔ otira ye akodeɛ ne kyɛ, “Ɛmɔ de, ɛ́mɔfo bɛbra wa, na yɛkohyire ɛmɔ nworɛ!” Na Yonatan sele ye somvoɛ bɔ otira ye akodeɛ ne kyɛ, “Di me si, ofikyɛ AWURADE afa bɛ awura Yisrael sa.”

1 Samuel 14:12 Iomraidhean Croise

Gyenesise 24:42

Ɛnɛ mmale abura ne aso ne, ngane kyɛ, ‘O AWURADE, me mene Abraham Nyameɛ, sɛ ɛma me sa ka m’ateetulɛ ye anu botaeɛ a …

Gyenesise 24:48

Afei mmɔle me ti ase nzɔnene AWURADE, na nyele AWURADE, me mene Abraham Nyameɛ ayɛ, ye bɔ wayɛ me taataa kyɛ mmra mmangya me mene aliɛma awa mma ɔwa ne.

2 Samuel 5:24

Sɛ ɛte mmenia gya boso nga wɔ basam mmakaa nemɔ aso a, ye de kɔ Filistifoɛ so. Na ɛhe kyire kyɛ AWURADE ali wɔ nyunu moa okũkũ Filisti koɛhonɛfoɛ nemɔ.”

2 Ahemvo 14:8

Amasia tuli ɛbɔfoɛ maa bɛhɔle Yisrael hene Yehu awa Yehoahase ɔwa Nana Yehoase berɛ kyɛ, “Bra maa yɛfa yɛbɔ so!”

Maenbulɛfoɛ 4:14

Yeɛ Debora sele Barake kyɛ, “Dwɔso ɛne ye bɛɛho! Ofikyɛ ɛnɛ kyẽa ye yeɛ AWURADE afa Sisera wawura wɔ sa ɔ! Amba AWURADE li wɔ nyunu.” Yiti Barake torole Tabɔ bokaa ne, na né koɛhonɛfoɛ apee buru ne beli ye si.

Maenbulɛfoɛ 7:14

Yeɛ obiɛngo ne buale kyɛ, “Laleɛ he de nna hwee ɔ; Yoase awa Yisraelniɛ Gideon, ye ngrandɛ ne ɔ. Nyameɛ afa Midian ne koɛhonɛfoɛ ne amukoraa wawura ye sa.”

Maenbulɛfoɛ 7:15

Gideon tele kyɛ ɔka laleɛ ne anu dwirɛ ná okyire ye bo ne, ɔsɔnene AWURADE; na osa wale Yisrael asikyeleɛ ne anu oosele kyɛ, “Ɛ́mɔdwɔso, ofikyɛ AWURADE afa Midian koɛhonɛfoɛ ne wawura ɛmɔ sa.”

Maenbulɛfoɛ 9:54

Berɛ ne ala, Abimɛlɛke frɛle aberandeɛ bɔ otira ye akodeɛ ne sele ye kyɛ, “Twe wɔ ngrandɛ ná ku me, amaa mmenia banga bamva me nwo kyɛ, ‘Brasua yeɛ ohuni ye ɔ.’ ” Yiti aberandeɛ ne hwene ye ngrandɛ fa wɔle ye maa owuli.

1 Samuel 14:10

Nakoso sɛ bɛka kyɛ, ‘Ɛ́mɔfo bɛbra yɛ wa’ a, ye de yɛkɔfo kɔhɔ, ofikyɛ okyire kyɛ AWURADE afa bɛ awura yɛ sa. Na ɛhe yeɛ ɔkɔyɛ sɛngyerɛnneɛ kɔma yɛ ɔ.”

1 Samuel 14:13

Afei Yonatan kongone fole bokaa ne, na ye somvoɛ bɔ otira ye akodeɛ ne koso lili ye si. Filistifoɛ totɔle wɔ Yonatan nyunu, na ye somvoɛ bɔ otira ye akodeɛ li ye si ne huhuni bɛ.