1 Samuel 14:1 - AHYERƐLƐ KRONGRON

¹ Ɛlɛho bie, Sɔɔlo awa Yonatan sele ye somvoɛ bɔ otira ye akodeɛ ne kyɛ, “Filistifoɛ bɛ koɛhonɛfoɛ atenaleɛ bɔ ɔwɔ bɔnza ne asi dɔ ne, maa yɛhɔ dɔ.” Nakoso Yonatan ammɔ ɔse Sɔɔlo amaneɛ.

1 Samuel 14:1 Iomraidhean Croise

Mika 7:5

Nnɛma ɛmɔde abiɛngoɛ bedi, yeɛ nnɛma ɛmɔfa ɛmɔ wora bewura adamvoa nu. Ɛye bɔ ɔla wɔ kunu ne, ye po nea yé wɔ ngɔmɔ bɔ ɛne ye bedi ɔ nwo.

Maenbulɛfoɛ 14:6

AWURADE Sunzum wale ye so, na ole ye sa mbaen tetele gyata ne anu pasaa kyɛ wanya abɔngye ba bie bɔ ɔtete ye nu ɔ. Nakoso wanga bɔ wayɔ ne wangyire ye baba anaa ye maame.

Maenbulɛfoɛ 14:9

Opiane woɛ ne guale ye sa nu, na ɔkɔ ne, né odi kɔ. Oodwuli ye baba ne ye maame nwo berɛ ne, ɔmane bɛ bie maa belili. Nakoso wanga wangyire bɛ kyɛ ɔnyene woɛ ne wɔ gyata fuin nu.

Maenbulɛfoɛ 6:27

Yiti Gideon fale ye somvoɛ nemɔ anu buru, na ɔyɔle kyɛbɔ AWURADE sele ye ne ala. Nakoso né osuro ye abusuafoɛ ɔne kuro berɛ ama, yiti wanyɔ ye eyia na mmom ɔyɔle ye kɔngɔen.

1 Samuel 13:2

Sɔɔlo neaneane Yisrael maen ne anu yele mmienzua apee nza. Bɛ nu apee nyɔ ne Sɔɔlo hɔle Mikimase ne Betel mmokaa aseɛ so, yeɛ apee ko koso ne Yonatan bɛhɔle Gibea bɔ ɔwɔ Benyamin. Na koɛhonɛfoɛ ngaa ne de, ɔmaa besa bɛhɔle b’awuro.

1 Samuel 13:22

Yiti kyẽa bɔ koɛ ne sili ne, ɛlɔen bɔ né bɛwɔ Sɔɔlo ne Yonatan nwo berɛ ne, né bɛ nu biala nne berɛ bɔ ole ngrandɛ anaa pealɛɛ ɔ; sana Sɔɔlo ne Yonatan angome yeɛ né bele bie ɔ.

1 Samuel 13:23

Na Filistifoɛ koɛhonɛfoɛ kure ko fale Mikimase atee ne aso bɛɛtɛle dɔ.

1 Samuel 14:2

Né Sɔɔlo akyekye asikyeleɛ wɔ Gibea tiwaa, wɔ akengaa bɔ ɔwɔ Migron ne abo. Né koɛhonɛfoɛ kɔyɛ ɛyaa nzia boka ye so.

1 Samuel 25:19

Na Abigail sele ye mmerandeɛ nemɔ kyɛ, “Ɛ́mɔli me nyunu moa bɛhɔ, na me koso médi ɛmɔ si méba.” Nakoso wammɔ ohu Nabal amaneɛ.