1 Samuel 13:7 - AHYERƐLƐ KRONGRON

⁷ Hebrifoɛ biemɔ pɛle asue Yɔɔdan bɛhɔle Gade ne Gileade aseɛ so. Né Sɔɔlo tɛ wɔ Gilgal, na mmenia ne amukoraa bɛfale ahunundetelɛ belili ye si.

1 Samuel 13:7 Iomraidhean Croise

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Deuteronomi 20:8

Mbanyi nemɔ kɔhɔ so kodwudwo kohyire ɛlɔen ne kyɛ, ‘Aso ebie wɔ yɛ nu bɔ osuro anaa ye kunu tete ye ɔ? Osa hɔ ye awuro; anyɔ a né wama ye mmango kunu atete bɛ kyɛbɔ ye deɛ tete ye ne.’

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Deuteronomi 3:12

“Yɛ sa hane aseɛ ne sɔ mmerɛ nen, mvale Aroye sorɔ dɔ mane Rubenfoɛ ne Gadefoɛ. Mekyire aseɛ bɔ ɔla Anɔn bɔnza ne anu dɔ, ɔne Gileade mmokaa aseɛ ne bue, ɔne ye nguro mɔ.

Yosua 13:11

Yeɛ Gileade, Gesurefoɛ ne Maakatifoɛ aseɛ, Hɛmɔn bokaa ne amukoraa, Basan amukoraa bɔ ɔkwaadwu Saleka ne.

Yosua 13:8

Manase abusua kure ne bue ko bɔ waha ne de, né bɛ ne Rubenfoɛ ne Gadefoɛ bali moa banya b’aseɛ deɛ dada. Mose yeɛ ɔfa mane bɛ wɔ asue Yɔɔdan si eyia afiteleɛ bue nu dɔ ɔ, kyɛbɔ AWURADE somvoɛ Mose hyɛ mane bɛ ne:

Maenbulɛfoɛ 7:3

Yiti bɔ ye dawure ma koɛhonɛfoɛ nemɔ bɛte kyɛ, ‘Ebiala bɔ osuro ná ye kra anwati ne, osa ɔhɔ awuro.’ ” Na Gideon sale bɛ nu: bɛ nu apee aburanyɔ ne nyɔ sa hɔle, na apee buru de, bɛhale berɛ.

1 Samuel 13:8

Kyɛbɔ Samuel hyɛle Sɔɔlo ne, Sɔɔlo nwondɛle ɛlɛsoo, nakoso Samuel amma Gilgal, na koɛhonɛfoɛ nemɔ hyɛle ye bo kyɛ bɛyakyi Sɔɔlo nu bɛkɔ.

1 Samuel 17:11

Na Sɔɔlo ne Yisrael koɛhonɛfoɛ amukoraa tele sɔ dwirɛ bɔ Filistiniɛ ne hane nen, ɛserɛ hane bɛ, na besurole paa.

1 Samuel 31:7

Na Yisrael koɛhonɛfoɛ bɔ né bɛwɔ bɔnza ne asi dɔ ne, ɔne bɛ bɔ né bɛwɔ asue Yɔɔdan si dɔ ne, mmerɛ bɔ benwuni kyɛ Yisrael koɛhonɛfoɛ nemɔ banwati, ná Sɔɔlo ne ye mma mmienzua nemɔ koso bawuwu nen, bɛnwatili befili bɛ nguro nemɔ aso, na Filistifoɛ wale bɛɛfale nguro nemɔ bɛtenane so.