1 Samuel 13:6 - AHYERƐLƐ KRONGRON

⁶ Yisraelfoɛ nwuni kyɛ koɛ ne anu ayɛ se ama bɛ, (ofikyɛ né Filistifoɛ ama koɛhonɛfoɛ nemɔ ali amia). Na bɛɛfeafeale nyɔboɛ bɔ wasi sua nu, ngumaa nu, nyɔbotaen nu, asieleɛ ne abura mɔ nu.

1 Samuel 13:6 Iomraidhean Croise

2 Samuel 24:14

Yeɛ Dawide buale Gade kyɛ, “Yieee, edwirɛ piri paa yeɛ wato me e! Kyɛ kuro sona kɔhwe me so de, ye de ma AWURADE mmom ɔhwe yɛ so, ofikyɛ ye de, ye anwumvoinnwunɛ te piri.”

Yesaya 42:22

Nakoso bɛte maen bɔ ebiemɔ bali bɛ aminɛ bafẽ bɛ nningyein bafa ɔ, bahã bɛ mukoraa bapua wɔ bɔen mɔ nu, bafa bɛ baafea kuku nu, baha ngaen nu bɔ defoɛ biala nne berɛ ɔ, bakakyi koɛ nu nzesadeɛ bɔ ebiala nne berɛ bɔ ɔkɔhã kyɛ, “Ɛ́mɔsa bɛfa bɛ bɛhɔ!”

Yeremia 41:9

Mmienzua amukoraa bɔ ɔnate Gedalia ti Yismael huhuni bɛ ne, abura bɔ ogyili bɛ fuin nemɔ guale nu ne, ye ole abura bɔ Yisrael hene Baasa nwo suronyi ti Nana Asa tuli ne. Na Netania awa Yismael fale bɛ bɔ ohuni bɛ ne yili ye to.

Hesekiel 33:27

Se bɛ kyɛ, AWURADE Nyameɛ nwa nyoo: Kyɛ nde ase ye, nahorɛ nu, bɛ bɔ bɛwɔ kurofoen nemɔ aso ne, bɛkɔtotɔ ngrandɛ noa; bɔ ɔwɔ eburo ne koso, ngɔfa ye ngɔma ngaka aboyaa maa bɛkɔhye ye bekoli; yeɛ bɛ bɔ bɛwɔ anwoserɛ afealeɛ mɔ nu, ɔne nyɔboɛ bɔ wasi sua ɔ mɔ nu koso, ewue anwonyerɛ yeɛ okohũ bɛ ɔ.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

Hebrifoɛ 11:38

Bammu wiase kyɛ nikyee bɔ odi mu ma bɛ ɔ, behyinihyini ɛserɛ ne mmokaa so, na bɛtenane aseɛ so nyɔboɛ bɔ wasi sua, ɔne ngumaa mɔ nu.

Yosua 8:20

Na mmerɛ bɔ Aye mmienzua tole bɛ nye bɛneane nziɛ nen, benwuni kyɛ kuro ne anu nwosina ótu kɔ anwuro. Yiti né bennwu nekaa horɛ bɔ bɛnwati bɛhɔ ɔ, ofikyɛ Yisraelfoɛ bɔ bɛnwatili bɛhɔle ɛserɛ so dɔ ne, bɛkakyili bɛ nwo bɛwale Ayefoɛ so.

Maenbulɛfoɛ 10:9

Amonfoɛ koso pɛle asue Yɔɔdan bɛhɔle ye si, na bɛfale koɛ bɛɛtetale Yuda, Benyamin yeɛ Efraim boso ama; na ɛhe mane Yisrael nwo hyerele ye paa.

Maenbulɛfoɛ 20:41

Afei Yisrael koɛhonɛfoɛ kure piri ne kakyili bɛ nye, na Benyaminfoɛ nye so tanene, ofikyɛ benwuni kyɛ edwirɛ piri ato bɛ.

Maenbulɛfoɛ 6:2

Midian lili Yisrael so, na ɔnate Midian ti, Yisraelfoɛ bɔle bɛ nwo adwaa wɔ mmokaa so, nyɔboɛ bɔ wasi sua mɔ nu, ɔne anwoserɛ afealeɛ mɔ nu.

1 Samuel 13:15

Na Samuel fili Gilgal sili nu hɔle. Afei koɛhonɛfoɛ bɔ baha berɛ ne, belili Sɔɔlo si bɛɛbokale bɛ mmango nemɔ aso. Na befili Gilgal bɛhɔle Gibea bɔ ɔwɔ Benyamin. Sɔɔlo hale koɛhonɛfoɛ bɔ baha ye nwo berɛ ne, na né bɛ somaa te mmienzua kɔyɛ ɛyaa nzia.

1 Samuel 14:11

Yiti bɛ munyɔ bɛmane Filistifoɛ koɛhonɛfoɛ nemɔ nwuni bɛ. Na Filistifoɛ sele kyɛ, “Ɛ́mɔnea, Hebrifoɛ befi ngumaa bɔ baafeafea nu nemɔ anu béfitefite.”

1 Samuel 14:22

Sɔ ala yeɛ Yisraelfoɛ amukoraa bɔ né baafeafea Efraim mmokaa ne anu dɔ ne, bɛtele kyɛ Filistifoɛ bɛ́nwati nen, bɛ koso bɛfoane bɛ bɛɛfale koɛ bɛtoale bɛ ɔ.

1 Samuel 23:19

Na Sifefoɛ hɔle Sɔɔlo berɛ wɔ Gibea bɛɛbɔle ye amaneɛ kyɛ, “Dawide aafea yɛ berɛ wɔ anwoserɛ afealeɛ bɔ ɔwɔ Horese ne anu, wɔ Hakila pambaa bɔ ɔwɔ Yesimɔn ngwaen dɔ ne aso.

1 Samuel 24:3

Sɔɔlo oodwuli mmoaennduin biemɔ anwo wɔ atee ne noa. Né nyɔboɛ bie asi sua wɔ berɛ, na owurale nu kyɛ ɔkɔ bakaa so. Nyɔbotaen bɔ wasi sua ne, né Dawide ne ye mmenia nemɔ baawurawura ye kunu dɔ paa.

1 Samuel 31:7

Na Yisrael koɛhonɛfoɛ bɔ né bɛwɔ bɔnza ne asi dɔ ne, ɔne bɛ bɔ né bɛwɔ asue Yɔɔdan si dɔ ne, mmerɛ bɔ benwuni kyɛ Yisrael koɛhonɛfoɛ nemɔ banwati, ná Sɔɔlo ne ye mma mmienzua nemɔ koso bawuwu nen, bɛnwatili befili bɛ nguro nemɔ aso, na Filistifoɛ wale bɛɛfale nguro nemɔ bɛtenane so.

1 Samuel 7:7

Mmerɛ bɔ Filistifoɛ tele kyɛ Yisraelfoɛ baayia nu wɔ Misepa nen, Filisti ahemvo mɔ hɔle kyɛ bɛkwaafa koɛ bɛtoa Yisrael. Na Yisraelfoɛ tele sɔ dwirɛ nen, Filistifoɛ nwo suronyi tɔle bɛ so.