1 Samuel 13:5 - AHYERƐLƐ KRONGRON

⁵ Filistifoɛ boaboale bɛ nwo kyɛ bɛkwaafa koɛ bɛtoa Yisrael. Bɛfale teaseɛnam apee aburasa, pɔngɔhanɛfoɛ apee nzia, ɔne koɛhonɛfoɛ bɔ bɛ somaa te kyɛ mboanoa anweaa ɔ. Bɛɛkyekyele asikyeleɛ wɔ Mikimase, wɔ Bete Awen eyia afiteleɛ.

1 Samuel 13:5 Iomraidhean Croise

Gyenesise 22:17

ngoyira wɔ, na ngɔma wɔ boso ama kɔsone kyɛ ewienu nzramaa ne mboanoa anweaa. Na wɔ boso ama kɔfa bɛ pɔfoɛ mɔ aseɛ bekoli so.

2 Samuel 17:11

Me de, métu wɔ foɛ kyɛ, ma Yisrael koɛhonɛfoɛ amukoraa, ofi Dan bɔ ɔkwaadwu Beɛ Hyeba, bɔ bɛ somaa te kyɛ mboanoa anweaa, bɛɛboa bɛ noa wɔ wɔ nyunu, ná wɔ bɔbɔ di bɛ nyunu kɔ koɛ ne.

1 Ahemvo 20:27

Yisraelfoɛ boaboale bɛ noa, ná bɛfale bɛ koɛ nningyein. Beyiele ne, bɛhɔle kyɛ bɛ ne Siriafoɛ bɛkwaaho. Yisrael koɛhonɛfoɛ ne boale bɛ noa kyɛ mbɔngye kure mmaa mmaa nyɔ wɔ Siriafoɛ ndendeneɛ so. Na Siriafoɛ de, bɛyɛle aseɛ ne aso mitimiti.

2 Aberɛso Dwirɛ 1:9

O, AWURADE Nyameɛ, wɔ bɔhyɛ bɔ ɛhyɛle me baba Dawide ne, maa ɔbra nu, ofikyɛ amaa mali hene wɔ maen bɔ bɛ somaa te kyɛ aseɛnwo mvuture ɔ so.

Yesaya 10:28

Wawa Ayate, waapɛ nu wɔ Migron, wayakyi ye nningyein wɔ Mikimase.

Yesaya 48:19

ahaa wɔ boso ama kɔyɛ pee kyɛ anweaa, ahaa wɔ boso ama kɔyɛ pee kyɛ nyɔboseka. Ahaa mengokyikyi bɛ dumaa, anaa mengohu bɛ ngofi me nyunu.”

Yeremia 15:8

Mama b’akunafoɛ mmrasua mɔ basone pee batra mboanoa anweaa; mama bɛ bɔ bekũkũ mmenia ne, bahɔ mmerandeɛ mɔ bɛ ni mɔ so eyiagyina. Mama aworabɔlɛ ne ahunundetelɛ atɔ bɛ so mvum nu.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 5:8

Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;

Yosua 11:4

Bɛ ne bɛ lɔen ne amukoraati bɛwale, ɛlɔen pembepembe bɔ bɛ somaa te kyɛ mboanoa anweaa ɔ, bɛ ne mbɔngɔ mɔ ne teaseɛnam pee wale.

Yosua 18:12

Bɛ sorɔ dɔ wɛen ne ɔhyɛ ye bo fi asue Yɔɔdan noa. Ɛwɛen ne kɔ Yeriko ndoroleɛ nu wɔ ye sorɔ dɔ. Ɔsẽ kɔfa mmokaa aseɛ ne aso kɔ eyia atɔleɛ bue nu dɔ, na ye noa kɔpem Bete Awen ɛserɛ so.

Yosua 7:2

Yosua somane mmienzua biemɔ maa befili Yeriko bɛhɔle Aye, bɔ opingye Bete Awen, wɔ Betel eyia afiteleɛ kyɛ, “Ɛ́mɔfo bɛhɔ bɛɛtetɛ aseɛ ne.” Na mmenia ne hɔle bɛɛtetɛle Aye besiele.

Maenbulɛfoɛ 7:12

Né Midianfoɛ, Amalɛkefoɛ ɔne eyia afiteleɛfoɛ nemɔ bayɛ bɔnza ne anu mitimiti kyɛ ngyein. B’afupɔngɔ mɔ de, bɛka a bennwu ye noa; ne bɛ somaa te kyɛ mboanoa anweaa.

1 Samuel 13:11

Yeɛ Samuel bisale ye kyɛ, “Nzikyɛ nikye yeɛ ayɔ ye?” Na Sɔɔlo buale kyɛ, “Nwuni kyɛ mmenia ne bɛ́yakyi me nu bɛ́kɔ. Wɔ koso mmerɛ bɔ ɛhyɛ tole berɛ ne, amma, yeɛ afei Filistifoɛ koso baboa bɛ noa wɔ Mikimase.

1 Samuel 13:2

Sɔɔlo neaneane Yisrael maen ne anu yele mmienzua apee nza. Bɛ nu apee nyɔ ne Sɔɔlo hɔle Mikimase ne Betel mmokaa aseɛ so, yeɛ apee ko koso ne Yonatan bɛhɔle Gibea bɔ ɔwɔ Benyamin. Na koɛhonɛfoɛ ngaa ne de, ɔmaa besa bɛhɔle b’awuro.

1 Samuel 14:23

Yiti AWURADE mane Yisrael lili ngonim sɔ kyẽa ne. Bɛhone toonn beedwuli Bete Awen si dɔ.

1 Samuel 14:52

Sɔɔlo aberɛ so amukoraa, ɔne Filistifoɛ bɛhone koɛ bɔ nu yɛ se ɔ. Sɛ né onwu bienzua anwoserɛniɛ anaa koɛhonɛniɛ ahoneserɛniɛ biala a, ɔfa ye boka ye koɛhonɛfoɛ nemɔ aso.

1 Samuel 17:1

Filistifoɛ boaboale bɛ noa kyɛ bɛkwaaho koɛ. Bɛɛboale bɛ noa wɔ Soko bɔ ɔwɔ Yuda, na bɛkyekyele asikyeleɛ wɔ Efese Damim bɔ ɔwɔ Soko ne Aseka b’afia.

1 Samuel 7:13

Yisrael brɛle Filistifoɛ ase, na Filistifoɛ ambe Yisrael aseɛ so ko. Na AWURADE tumi tuale Filistifoɛ so kerɛ piri paa wɔ mmerɛ amukoraa bɔ né Samuel te ase ɔ.