1 Samuel 13:2 - AHYERƐLƐ KRONGRON

² Sɔɔlo neaneane Yisrael maen ne anu yele mmienzua apee nza. Bɛ nu apee nyɔ ne Sɔɔlo hɔle Mikimase ne Betel mmokaa aseɛ so, yeɛ apee ko koso ne Yonatan bɛhɔle Gibea bɔ ɔwɔ Benyamin. Na koɛhonɛfoɛ ngaa ne de, ɔmaa besa bɛhɔle b’awuro.

1 Samuel 13:2 Iomraidhean Croise

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

2 Samuel 21:6

maa bɛfa ye boso ama mmienzua nzoo bewura yɛ sa, ná yɛɛbɔ bɛ kɔme wɔ AWURADE nyunu, wɔ Sɔɔlo bɔ AWURADE neaneane nu yele ye ne ye kuro Gibea.” Na Nana Dawide hane kyɛ, “Ngɔfa bɛ ngɔma ɛmɔ.”

2 Samuel 23:29

Helebo bɔ ye baba Baana fi Netofa, Yitae bɔ ye baba Ribae fi Gibea bɔ ɔwɔ Benyamin aseɛ so,

Ɛsra 2:27

Mikimase: ɛyaa ko aburanyɔ ne nyɔ;

Nehemia 11:31

Benyaminfoɛ nemɔ koso bɛtenane nguro bɔ ofi Geba bɔ ɔkɔ nemɔ aso: Mikimase, Aiya, Betel ne ye nwo nguraa mɔ,

Yosua 18:28

Sela, Haelefe, Yebusi (bɔ ye ole Yerusalem), Gibea ne Kiriate Yearim: bɛte nguro buru ne nna ne bɛ namue mɔ. Benyamin abusua kure ne, kyɛbɔ nu mmusua mmusua ne te ne, ye aseɛ deɛ ɛne.

Yosua 22:6

Afei Yosua yirale bɛ, ɔyakyili bɛ ate, na besili nu bɛhɔle b’ɛtena sua nemɔ anu.

Maenbulɛfoɛ 19:12

Nakoso ye mene sele ye kyɛ, “Amanvorafoɛ mɔ bɔ nna Yisraelfoɛ ahɔ ɔ ne de, yɛngɔhɔ bɛ kuro so; na mmom yɛkɔtoa so yɛkɔhɔ Gibea.”

1 Samuel 10:26

Sɔɔlo koso hɔle ye awuro wɔ Gibea, na koɛhonɛfoɛ biemɔ bɔ Nyameɛ kanyane bɛ ɔ yeɛ bɛfale ye bɛhɔle ɔ.

1 Samuel 10:5

Na ɛhe asi ne, ekoodwu Gibeate Elohim, wɔ nekaa bɔ Filistifoɛ koɛhonɛfoɛ atenaleɛ wɔ ne. Na sɛ ɛkwaawura kuro ne anu a, ekoyia ngɔmhyɛlɛfoɛ kure bɔ befi asɔneyɛɛ so dɔ bɛ́torotoro bɛ́ba, bɔ adengum, akasaa, aweɛn ne sangoo angorɛ li bɛ nyunu ɔ. Na ekonwu kyɛ bɛ́hyɛ ngɔm ɔ.

1 Samuel 13:1

Sɔɔlo lili hene ne, né wali kɔbo afoɛ [aburasa], na olili Yisrael so hene afoɛ nyɔ.

1 Samuel 13:11

Yeɛ Samuel bisale ye kyɛ, “Nzikyɛ nikye yeɛ ayɔ ye?” Na Sɔɔlo buale kyɛ, “Nwuni kyɛ mmenia ne bɛ́yakyi me nu bɛ́kɔ. Wɔ koso mmerɛ bɔ ɛhyɛ tole berɛ ne, amma, yeɛ afei Filistifoɛ koso baboa bɛ noa wɔ Mikimase.

1 Samuel 13:15

Na Samuel fili Gilgal sili nu hɔle. Afei koɛhonɛfoɛ bɔ baha berɛ ne, belili Sɔɔlo si bɛɛbokale bɛ mmango nemɔ aso. Na befili Gilgal bɛhɔle Gibea bɔ ɔwɔ Benyamin. Sɔɔlo hale koɛhonɛfoɛ bɔ baha ye nwo berɛ ne, na né bɛ somaa te mmienzua kɔyɛ ɛyaa nzia.

1 Samuel 13:16

Sɔɔlo ne ɔwa Yonatan ne koɛhonɛfoɛ bɔ baha bɛ nwo berɛ ne, bɛtenane Geba bɔ ɔwɔ Benyamin, yeɛ Filistifoɛ koso kyekyele asikyeleɛ wɔ Mikimase.

1 Samuel 13:23

Na Filistifoɛ koɛhonɛfoɛ kure ko fale Mikimase atee ne aso bɛɛtɛle dɔ.

1 Samuel 13:5

Filistifoɛ boaboale bɛ nwo kyɛ bɛkwaafa koɛ bɛtoa Yisrael. Bɛfale teaseɛnam apee aburasa, pɔngɔhanɛfoɛ apee nzia, ɔne koɛhonɛfoɛ bɔ bɛ somaa te kyɛ mboanoa anweaa ɔ. Bɛɛkyekyele asikyeleɛ wɔ Mikimase, wɔ Bete Awen eyia afiteleɛ.

1 Samuel 14:31

Na Yisrael koɛhonɛfoɛ huhuni Filistifoɛ sɔ kyẽa ne, fite Mikimase toonn beedwuli Ayalɔn nen, né ɛhɔen apɛ koɛhonɛfoɛ nemɔ paa.

1 Samuel 14:5

Nyɔbotaen ne ko wɔ atee ne sorɔ, wɔ Mikimase ndendeneɛ so, yeɛ ko wora wɔ ye ngwaen, wɔ Geba ndendeneɛ so.

1 Samuel 14:52

Sɔɔlo aberɛ so amukoraa, ɔne Filistifoɛ bɛhone koɛ bɔ nu yɛ se ɔ. Sɛ né onwu bienzua anwoserɛniɛ anaa koɛhonɛniɛ ahoneserɛniɛ biala a, ɔfa ye boka ye koɛhonɛfoɛ nemɔ aso.

1 Samuel 15:34

Afei Samuel hɔle Rama, yeɛ Sɔɔlo koso hɔle ye kuro Gibea.

1 Samuel 24:3

Sɔɔlo oodwuli mmoaennduin biemɔ anwo wɔ atee ne noa. Né nyɔboɛ bie asi sua wɔ berɛ, na owurale nu kyɛ ɔkɔ bakaa so. Nyɔbotaen bɔ wasi sua ne, né Dawide ne ye mmenia nemɔ baawurawura ye kunu dɔ paa.

1 Samuel 26:2

Yiti Sɔɔlo sili nu hɔle Sife ɛserɛ so, bɔ Yisrael koɛhonɛfoɛ apee nza bɔ bɛse ko paa boka ye so ɔ, kyɛ ɔkwaapena Dawide wɔ Sife ɛserɛ so.

1 Samuel 8:11

Na osele kyɛ, “Ɛhene bɔ ɔbaali ɛmɔ so ne, sɔ atee he yeɛ ɔkɔfa ɛmɔ kɔfa so ɔ: ye koɛ teaseɛnam mɔ ne ye mbɔngɔ nemɔ, ɔkɔhyɛ ɛmɔ mma mmienzua maa bɛkɔhã, na ɔkɔmaa bekotu amirika bekoli koɛ teaseɛnam nemɔ nyunu bɛkɔbɔ ye nwo waen.