1 Samuel 13:19 - AHYERƐLƐ KRONGRON

¹⁹ Sɔ mmerɛ ne, né buralɛ dwumvoɛ biala nne Yisrael aseɛ so nekaa biala, ofikyɛ Filistifoɛ hane kyɛ, “Yɛmbena kyɛ Hebrifoɛ bɛbɔ ngrandɛ anaa pealɛɛ ɔ.”

1 Samuel 13:19 Iomraidhean Croise

2 Ahemvo 24:14

Ɔsesale Yerusalem ama amukoraa hɔle: ahemvie mbanyi amukoraa, koɛhonɛfoɛ amukoraa, mmenia apee buru bɔ bahye bɛ nnure ɔ, adwumvoɛ mɔ ne buralɛ dwumvoɛ amukoraa. Sona ko po wanga aseɛ ne aso, sana bɛ bɔ bɛngɔhora ko bɛngora hute nemɔ ala.

Yesaya 54:16

Tie, me yeɛ mmɔle buralɛ dwumvoɛ bɔ ofita ebunaen see nu, ná ɔbɔ akodeɛ maa akodeɛ ne fata adwuma bɔ bɛfa bɛyɔ ɔ. Nakoso me ala yeɛ mmɔle sɛkyefoɛ kyɛ ɔsɛkye nningyein ɔ.

Yeremia 24:1

Babilɔn hene Nebukadenesa hyele Yekonia bɔ ye baba ole Yuda hene Yehoakim, ɔne Yuda mbanyi, adwiililɛfoɛ ne dwumvoɛ mɔ nnure fale bɛ fili Yerusalem hɔle Babilɔn. Ye si ye, AWURADE lale nyekyire ali hyirele me, na nwuni borɔdoma ngɛndɛen nyɔ bɔ begyigyi AWURADE asɔneyɛɛ sua ne anyunu ɔ.

Yeremia 29:2

Nana Yekonia ne ɛhemmaa ne, ɔne sayɛɛ nemɔ, Yuda ne Yerusalem atitire, adwiililɛfoɛ ne dwumvoɛ nemɔ befili Yerusalem bɛhɔle nen, ye si yeɛ ɔhyerɛle krataa ne ɔ.

Maenbulɛfoɛ 5:8

Beelili nyameɛ foforɛ mɔ si, maa ɔnate so koɛ ɔɔtoale bɛ wɔ kuro berɛ pambim nu. Aso benwuni akokyɛm ne pealɛɛ wɔ Yisrael koɛhonɛfoɛ apee aburanna nemɔ nwo?

1 Samuel 13:20

Yiti né ɔyɛ a, Yisraelfoɛ amukoraa bɛkɔ Filistifoɛ mɔ dɔ maa besi bɛ kona, esonyi, akumaa ne dadeɛ koateɛ bɛma bɛ.