1 Samuel 13:18 - AHYERƐLƐ KRONGRON

¹⁸ kure bɔ ɔtɔ so nyɔ ne fale ye nye hyirele Bete Horon, yeɛ kure bɔ ɔtɔ so nza ne koso, ɔfale ye nye hyirele ɛwɛen bɔ ɔla Seboyim bɔnza ne anwuro dɔ ne, bɔ opingye ɛserɛ ne.

1 Samuel 13:18 Iomraidhean Croise

Gyenesise 10:19

Na Kanaan maen ɛwɛen ne trɛle fili Sidon toonn hɔle Gera bue nu dɔ, na oodwuli Gasa, Sodom, Gomora, Adema ne Seboyim ne Lasa.

Gyenesise 14:2

bɛɛfale koɛ bɛtetale Sodom hene Bera, Gomora hene Biresa, Adema hene Sinabo, Seboyim hene Semebere, ɔne Bɛla hene (bɔ besa bɛfrɛ ye Soa) ne.

1 Aberɛso Dwirɛ 6:68

Yokemeam ne ye nwo aseɛ bɔ nyɛmmoa didi so ɔ, Bete Horon ne ye nwo aseɛ bɔ nyɛmmoa didi so ɔ,

2 Aberɛso Dwirɛ 8:5

Osa kyekyele Bete Horon sorɔ, yeɛ Bete Horon ngwaen, maa bɛyɛle nguro bɔ babɔ bɛ nwo waen bato bɛ nwo fasue, ná bafa mmuralɛ babrambram bɛ pambim mɔ asi ɔ.

Nehemia 11:34

Hadidi, Seboyim, Nebalate,

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Yosua 10:10

Na AWURADE mane bɛ nye so tanene bɛ wɔ Yisraelfoɛ nyunu. Yisraelfoɛ huhuni bɛ paa wɔ Gibeon, na bɛfoane bɛ maa bɛɛfale Bete Horon pambaa atee ne aso, na behuhuni bɛ alaa beedwuli Aseka ne Makeda.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Yosua 16:3

Ɔtorotoro kɔ eyia atɔleɛ, ɔkɔ Yafletefoɛ ɛwɛen so, ɔkɔ Bete Horon aseɛnwo dɔ ɛwɛen so, ɔtoa so kɔ Gɛsɛre, na ye noa kodwu mboanoa.

Yosua 16:5

Efraim abusua kure ne, kyɛbɔ ye mmusua mmusua te ne, b’aseɛ ne wɛen ɛhe: b’aseɛ ne, ye wɛen wɔ eyia afiteleɛ ole Atarote Ada bɔ ɔkwaadwu Bete Horon sorɔ dɔ ne.

1 Samuel 14:15

Ahunundetelɛ tɔlɛ ɛlɔen ne amukoraa so wɔ asikyeleɛ ne anu, ɔne eburo. Ahunundetelɛ tɔle koɛhonɛfoɛ nemɔ ne bɛ bɔ bɛbɔ apaa ne aso, aseɛ wosole, na ɛserɛ piri paa hane bɛ.