1 Samuel 13:14 - AHYERƐLƐ KRONGRON

¹⁴ nakoso kekesaala ye de, w’ahennie ne ngogyina. AWURADE apena sona bɔ ɔla ye ahone nwo ɔ, na AWURADE afa ye ali ye maen so hene, ofikyɛ anni edwirɛ bɔ AWURADE hyɛle wɔ ne aso.”

1 Samuel 13:14 Iomraidhean Croise

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

2 Samuel 6:21

Na Dawide buale Mikal kyɛ, “AWURADE bɔ ɔyele wɔ baba ne ye awuro ama mukoraa siele ahameɛ, ná ɔneaneane nu yele me sili me hene wɔ ye maen Yisrael so ne, ye nyunu yeɛ ngole abilie ne ɔ.

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

1 Aberɛso Dwirɛ 10:13

Ɔnate Sɔɔlo asoserɛ ti owuli. Wanni nahorɛ wamma AWURADE, ɔnate kyɛ wanni AWURADE dwirɛ so. Afei koso, ɔhɔle nzamangɔmhyɛlɛniɛ berɛ abisa,

Edwein 78:70

Ɔneaneane nu yele ye somvoɛ Dawide, ɔyele ye fili mmoaen so nealɛ nu,

Anyandera 27:24

ofikyɛ anwonya ndena berɛ daa; na ahennie abotire, aso ɔkɔtena berɛ koodwu aworɛ ndoatoasoɛ amukoraa so?

Yesaya 39:5

Yeɛ Yesaya sele Hesekia kyɛ, “Tie Asafo AWURADE noa dwirɛ:

Asomafoɛ 13:22

Ɛhe asi ne, Nyameɛ tuli Sɔɔlo fili bia so, na ɔfale Dawide sili bɛ so hene. Na edwirɛ he yeɛ Nyameɛ ha fale ye nwo ɔ: ‘Manwu Yese awa Dawide kyɛ ɔte sona bɔ ɔsɔ me nye, na ye yeɛ ɔkɔyɔ m’apɛdeɛ mukoraa ɔ’

Asomafoɛ 7:46

Dawide nyane Nyameɛ nyunu adom, na ɔsrɛle ye kyɛ ɔma ye ate maa osi sua ma Yakob Nyameɛ.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 15:26

Na Samuel sele Sɔɔlo kyɛ, “Me ne wɔ ngosa ngɔhɔ, ofikyɛ apo AWURADE dwirɛ. Na Yisrael so hene bɔ edi ne, AWURADE koso waye ye sa wafi wɔ bo.”

1 Samuel 15:28

Yeɛ Samuel sele ye kyɛ, “AWURADE ale Yisrael ahennie ne wafi wɔ sa nu ɛnɛ kyẽa ye, na wafa wama sona foforɛ bɔ ɔte paa tra wɔ ɔ.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:12

Yese somane maa bɛɛfale ye bɛwale. Né ɔte sona bɔ ɔte apɔ, ye nye mmaa dabadabaa, na ye nwo yɛ nyemene. Na AWURADE sele kyɛ, “Ɛhe ɛne, dwɔso fa ɛpopalɛ ngoo ne gua ye ti so!”

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.

1 Samuel 24:20

Afei de, mese kyɛ ekoli hene amba, na Yisrael ahennie ne, wɔ sa nu yeɛ ye bo kotimu ɔ.

1 Samuel 25:30

Paa mukoraa bɔ AWURADE aha afa me mene nwo ne, sɛ ɔmaa ɔba nu, ná ɔmaa edi Yisrael so hene a,

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”