1 Samuel 13:12 - AHYERƐLƐ KRONGRON

¹² Yiti nzusuli kyɛ, ‘Afei de, Filistifoɛ kɔɔfa koɛ kɔtoa me wɔ Gilgal, yeɛ AWURADE berɛ mmokalɛ koso nnya nnzrɛle.’ Yiti ɔmaa nnili me bɔbɔ me ti piri mmɔle naen yeralɛ afɔleɛ ne.”

1 Samuel 13:12 Iomraidhean Croise

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

2 Korintofoɛ 9:7

Na kyɛbɔ ebiala asusu ye nwo wɔ ye adwene nu ne, maa ɔfa sɔ ma, na wanyɛ kyɛ ɔtwetwe ye gya ase anaakyɛ ɔyɛ ye nhyɛsoɛ nu; ofikyɛ bɔ ɔye ye kunu fitaa fa nikyee kyɛ ne yeɛ Nyameɛ kuro ye dwirɛ ɔ.

1 Samuel 13:11

Yeɛ Samuel bisale ye kyɛ, “Nzikyɛ nikye yeɛ ayɔ ye?” Na Sɔɔlo buale kyɛ, “Nwuni kyɛ mmenia ne bɛ́yakyi me nu bɛ́kɔ. Wɔ koso mmerɛ bɔ ɛhyɛ tole berɛ ne, amma, yeɛ afei Filistifoɛ koso baboa bɛ noa wɔ Mikimase.

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,

1 Samuel 15:12

Samuel pɛle aleɛ dwɔsole kyɛ ɔkwaapena Sɔɔlo. Na bɛha behyirele Samuel kyɛ, “Sɔɔlo ahɔ Kamɛl, nekaa bɔ wasi ngayeɛ nikyee wafa wahyɛ ye nwo animnyam ne, na waase wapɛ nu wahɔ Gilgal.”

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.

1 Samuel 21:7

Sɔ kyẽa ne, né Sɔɔlo somvoɛ nemɔ ko wɔ Ahimɛlɛke berɛ, ofikyɛ né ole dwumadie bie di wɔ AWURADE nyunu. Oli Dɔɔgye, ɔte Edomniɛ, na né ɔte Sɔɔlo mmoaenneafoɛ nemɔ so panyi.