1 Samuel 12:4 - AHYERƐLƐ KRONGRON

⁴ Na bebuale kyɛ, “Ellili yɛ ndurum, ɛhhyɛle yɛ so, yeɛ ellele ebiala nikye fee.”

1 Samuel 12:4 Iomraidhean Croise

Daniel 6:4

Yeɛ mbanyi so neafoɛ nemɔ ne mbɔtam mbanyi nemɔ, bɛpenane ahennie ne bulɛ nwo dwirɛ bɔ ɔkɔma Daniel nwo kɔhyere ye ɔ, nakoso bannya mvomsoɛ anaa ye nwo dwirɛ tɛɛ biala, ofikyɛ né odi nahorɛ, na bannya ye nwo mvomsoɛ anaa bɔne biala.

Hebrifoɛ 11:33

Bɛ yeɛ ɔnate gyidie so bɛhone belili ahennie ahoroɔ so ngonim ɔ, begyinane bɛmane tenenee, bɛ sa hane bɔhyɛ mɔ, bɛhane gyata mɔ noa bɛtole nu;

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 12:5

Yeɛ osele bɛ kyɛ, “Ɛnɛ kyẽa ye, AWURADE te ɛmɔ danzeniɛ, yeɛ ye sona bɔ wapopa ye ngoo ne koso ɔte ɛmɔ danzeniɛ, kyɛ ɛmɔ nikye fee oollili me berɛ.” Na bebuale kyɛ, “Ɔte danzeniɛ.”