1 Samuel 12:3 - AHYERƐLƐ KRONGRON

³ Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 12:3 Iomraidhean Croise

2 Samuel 22:22

Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

Nehemia 5:11

B’aseɛ mɔ, bɛ bobe boo mɔ, bɛ olive boo mɔ, b’awuro mɔ, bosea nwo nzihoɛ, aburoo, nzaa ne ngoo bɔ ɛmɔale bafi bɛ berɛ ne, ɛnɛ deinn ɛ́mɔsa bɛfa bɛma bɛ.”

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Ɛksadɔso 22:4

Nakoso sɛ ɛhe si wɔ mmerɛ bɔ eyia apukye a, ye de odi ye wue nwo fɔ.

Ɛksadɔso 23:8

Nnede fea-ase-ma, ofikyɛ fea-ase-ma ma mbanyi bu bɛ nye gua ndɛen turoloo so, na ɔma mmenia bua bɛ bɔ bedi be ɔ ndɛengyea.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Lewitikɔso 6:4

sɛ ebie nwu kyɛ wayɔ bɔne ná odi fɔ a, nikyee bɔ owuale ne, anaakyɛ bɔ ɔnate apoobɔlɛ so wanya ne, anaa bɔ bɛfa bewurale ye sa ne, anaa bɔ wamini ná wanwu ye ne,

Lewitikɔso 6:5

anaa nikyee biala bɔ ɔnate ngondombo ndaentalɛ so nyane ye ne, odi kyɛ osa fa ye mu kɔ; na odi kyɛ ɔbɔ ye nwo nnu nu ngyɛmuɛ ko ɔfa ma nikyee ne mene, kyẽa bɔ ɔbɔ foɛlilɛ afɔleɛ ne.

Numeri 16:15

Mose fɛle yaa paa, na osele AWURADE kyɛ, “Nnɛde b’afɔleɛ ne to nu. Nnnele afunum ko po mmvili bɛ berɛ, yeɛ nnyɔle bɛ nu biala tɛɛ.”

Mateo 22:21

Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Asomafoɛ 20:33

Me nye ammoro ebiala dwetɛ anaa sikaa kɔkorɛ anaa ataadeɛ.

2 Korintofoɛ 12:14

Ye pɛen nza ɛhe yeɛ maboaboa me nwo kyɛ meba ɛmɔ berɛ ɔ. Memmanyɛ ɛmɔ so tɔsom, ofikyɛ membena ɛmɔ dɔ nikye fee, na mmom mepena ɛmɔ bɔbɔ deinn. Ofikyɛ nna mmaa yeɛ bɛpena nikyee bɛyakyi awofoɛ ɔ, na mmom awofoɛ yeɛ bɛpena bɛyakyi mmaa ɔ.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

1 Tɛsalonikafoɛ 2:10

Ɛmɔdi adanzeɛ, Nyameɛ koso sɔ ala, kyɛ yɛ suban bɔ yɛyele ye ali yɛhyirele ɛmɔ bɔ bɛte agyidifoɛ ne, ɔte krongron, ye nwo te, na ngekalewa biala nne ye nwo.

1 Tɛsalonikafoɛ 2:5

Ɛmɔse kyɛ yanga adɛfɛdɛfɛ dwirɛ biala; yeɛ yammutubutu edwirɛ so yamva yambena adifuu nikye, Nyameɛ te yɛ danzeniɛ!

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 12:4

Na bebuale kyɛ, “Ellili yɛ ndurum, ɛhhyɛle yɛ so, yeɛ ellele ebiala nikye fee.”

1 Samuel 12:5

Yeɛ osele bɛ kyɛ, “Ɛnɛ kyẽa ye, AWURADE te ɛmɔ danzeniɛ, yeɛ ye sona bɔ wapopa ye ngoo ne koso ɔte ɛmɔ danzeniɛ, kyɛ ɛmɔ nikye fee oollili me berɛ.” Na bebuale kyɛ, “Ɔte danzeniɛ.”

1 Samuel 2:35

Me de, ngɔtete ɔsɔfo nahorɛniɛ ko ngɔma me bɔbɔ me nwo, na ye yeɛ okoli m’ahone nu dwirɛ ne me nhyehyɛleɛ so ɔ. Ngɔma ye bosofoɛ koli sɔfo kɔhyɛ, na okoli sɔfo afebɔɔ kɔso sona bɔ mapopa ye ngoo ne.

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.

1 Samuel 24:6

Na osele ye mmenia nemɔ kyɛ, “AWURADE pa gua kyɛ ngɔyɔ sɔ nikyee ne ngotia me mene bɔ AWURADE apopa ye ngoo ɔ, kyɛ ngɔfa me sa ngɔhã ye ɔ, ofikyɛ AWURADE apopa ye ngoo.”

1 Samuel 24:7

Yiti Dawide hwili ye mmenia nemɔ nyunu, na wamma bɛ ate ma banyɔ Sɔɔlo nikyee fee. Afei Sɔɔlo dwɔsole, na ofili nyɔboɛ bɔ wasi sua ne anu sili nu kyɛ ɔkɔ.

1 Samuel 26:11

AWURADE pa gua kyɛ ngɔfa me sa ngɔhã sona bɔ AWURADE apopa ye ngoo ɔ. Nakoso tu pealɛɛ bɔ ɔpena ye ti sorɔ berɛ ne, ná fa nzue ngomvo ne boka so ma yɛhɔ.”

1 Samuel 26:9

Nakoso Dawide sele Abisae kyɛ, “Nnɛku ye! Nwa yeɛ ɔkɔhora kɔfa ye sa kɔha sona bɔ AWURADE apopa ye ngoo, bɔ ongoli fɔ ɔ?”