1 Samuel 12:23 - AHYERƐLƐ KRONGRON

²³ Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.

1 Samuel 12:23 Iomraidhean Croise

1 Ahemvo 8:36

ye de tie bɛ wɔ nyameɛso, ná fa wɔ ngoaa bɔ bɛ ole wɔ maen Yisrael ne bɛ bɔne kyɛ bɛ, wɔ aberɛ bɔ ekyire bɛ atee paa bɔ odi kyɛ bɛfa so ɔ. Ma esue tɔ wɔ w’aseɛ bɔ afa ama wɔ mmenia maa wayɛ b’agyapadeɛ ne aso.

2 Aberɛso Dwirɛ 6:27

ye de tie bɛ wɔ nyameɛso, ná fa wɔ ngoaa bɔ bɛ ole wɔ maen Yisrael ne bɛ bɔne kyɛ bɛ, wɔ aberɛ bɔ ekyire bɛ atee paa bɔ odi kyɛ bɛfa so ɔ. Ma esue tɔ wɔ w’aseɛ bɔ afa ama wɔ maen maa wayɛ b’agyapadeɛ ne aso.

Edwein 122:6

Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

Edwein 34:11

Ao me mma mɔ, ɛmɔbra beetie me noa dwirɛ, na ngohyire ɛmɔ AWURADE surolɛ ne.

Edwein 34:12

Ɛmɔ nu nwa yeɛ ɔpena ngoa, ngoa tendenn bɔ nningyein kɔhɔ so yé kɔma ye ɔ?

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Anyandera 4:11

Mahyirehyire wɔ nworɛ atee ne, mafa wɔ mafa atimbire turoloo ne aso.

Nworɛ Dwirɛhanɛniɛ 12:10

Nworɛ Dwirɛhanɛniɛ ne, ɔbɔle mmɔden kyɛ ɔkɔpena edwirɛ mɔ bɔ bɛtɔ asoɛ nu ɔ, na edwirɛ bɔ wahyerɛ wato berɛ ne, ɔte nahorɛ ne turoloo.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 27:18

Na sɛ bɛte ngɔmhyɛlɛfoɛ amba, ná sɛ AWURADE fa bɛ so dwudwo amba de a, ye de maa bɛkoto bɛsrɛ Asafo AWURADE, amaa ɔnate so nningyein bɔ waha AWURADE awuro berɛ, Yuda hene ahemvie berɛ, ne Yerusalem ne, wangɔanni Babilɔn.

Yeremia 42:4

Na ngɔmhyɛlɛniɛ Yeremia buale bɛ kyɛ, “Yoo, mate ɛmɔ dwirɛ ne, na ɛ́mɔtie, ngɔbɔ mbaeɛ ngohyire AWURADE ɛmɔ Nyameɛ kyɛbɔ ɛmɔabisa ne ala, na mmuayɛɛ biala bɔ AWURADE kɔfa kɔma ɛmɔ ne, ngɔfa ngɔto ɛmɔ nyunu, na mengɔfa hwee mengɔfea ɛmɔ.”

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Asomafoɛ 12:5

Na mmerɛ bɔ Petro la kuku nu berɛ nen, asɔre mma ne mane bɛ nye borole hɔle so bɔle mbaeɛ mane ye.

Asomafoɛ 20:20

Yeɛ dwaaso ne ɛmɔ awuro nu nzɛmbahanɛ ne ngyerɛkyerɛ bɔ nyɔle ne, mangata nikyee biala bɔ ɔkɔboka ɛmɔ ɔ so;

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

1 Tɛsalonikafoɛ 3:10

Yɛfa y’ahone amukoraa alehyeleɛ ne alesaleɛ yɛsrɛ kyɛ ɔma yɛnwu ɛmɔ nyunu, ná yɛpagya bɔ ɔtɔ sii wɔ ɛmɔ gyidie nu ne.

2 Timoteo 1:3

Mefa asennaa mema Nyameɛ bɔ mefa tiboa paa meso ye, kyɛbɔ me nana mɔ bɛsole ye ne, kyɛ daa biala mekaye wɔ wɔ me mbaeɛ nu eyia ne kɔngɔen.

1 Samuel 12:19

Na maen ne mukoraa sele Samuel kyɛ, “Srɛ AWURADE wɔ Nyameɛ ma wɔ ngoaa ná yanwuwu, ofikyɛ ɛhene bɔ yabisa yale nwo amumuyɛɛ ne, yafa yafoa yɛ bɔne amukoraa so.”

1 Samuel 8:6

Nakoso bɛhane kyɛ, ‘Ma yɛ hene ma ɔla yɛ noa’ ne, wanyɛ Samuel fɛ. Yiti Samuel fa tole AWURADE nyunu,