1 Samuel 12:22 - AHYERƐLƐ KRONGRON

²² Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.

1 Samuel 12:22 Iomraidhean Croise

1 Ahemvo 6:13

Me ne Yisraelfoɛ kɔtena, na mengɔyakyi me mmenia Yisraelfoɛ bɛ nu.”

1 Ahemvo 8:57

Mesrɛ kyɛ AWURADE yɛ Nyameɛ ogyina yɛ si, kyɛbɔ ogyinane yɛ nana mɔ si ne. Nnɛmaa ɔyakyi yɛ nu, anaa ɔye ye sa fi yɛ bo.

2 Ahemvo 14:27

Nakoso né AWURADE ɔhhane kyɛ okonua Yisrael dumaa bo kofi wiase, yiti ɔfale Yoase awa Yeroboam so ɔpepɛ lele bɛ.

2 Ahemvo 21:14

Na me maen ne, bɛ bɔ bekonya bɛ ti bekodidi nu ne, ngɔpo bɛ, ná mafa bɛ mawura bɛ pɔfoɛ mɔ sa. Bɛkɔyɛ kyɛ kaka bɔ obiɛngo kye ye di ɔ, ɔne koɛ nu nzesadeɛ bɛkɔma bɛ pɔfoɛ amukoraa.

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 106:8

Nakoso ɔnate ye dumaa ti, ɔpepɛ lele bɛ, amaa ɔnate so wala ye tumi kandinga ne ali.

Edwein 94:14

Ofikyɛ AWURADE ngɔye ye sa ngofi ye maen bo, yeɛ ɔngɔpo ye agyapadeɛ.

Ɛksadɔso 32:12

Nzu ati yeɛ ɔsɛ kyɛ Misraimfoɛ ka kyɛ, ‘Adwene tɛɛ bie ti yeɛ ɔmaa ɔɔyele bɛ hɔle ɔ, kyɛ ɔkwaahuhu bɛ wɔ mmokaa ne anu dɔ, ná okyikyi bɛ boso fi aseɛ ye aso’ ɔ? Ma w’ahone tɔ nzue nu, ná yakyi musue bɔ ɛbaamaa ɔto wɔ mmenia nemɔ ne.

Yesaya 37:35

Ofikyɛ ngɔbɔ kuro he anwo waen ngɔpepɛ ngole ye, ɔnate me bɔbɔ me ti, ɔne me somvoɛ Dawide ti.”

Yesaya 41:17

Sɛ ehiafoɛ ne bɛ bɔ bɛyɛ anwumvo ɔ bɛpena nzue, ná ebie nne berɛ, bɔ nzuhɔen ama bɛ komvi awo ne, me AWURADE, ngotie bɛ sufrɛ, me, Yisrael Nyameɛ, mengɔpo bɛ.

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yesaya 48:11

Me bɔbɔ me ti, me bɔbɔ me ti yeɛ meyɔ sɔ ɔ, ofikyɛ, ɔwale ye sɛ bɔ begua me dumaa nwo fiɛ ɔ? Mengɔfa m’animnyam mengɔma ebie.

Yesaya 49:15

“Aso brasua ye wora kɔhora kofi ɔwa bɔ otua nyɔfone noa, bɔ yeɛ ongonwu ye kunu ba anwumvoin ɔ? Yoo, sɛ sɔ mmrasua nemɔ bɛ wora fi po a, me de, me wora ngofi wɔ.

Yesaya 63:8

Ofikyɛ ɔnwa: ‘Nahorɛ nu, bɛte me maen, mmaa bɔ bɛngɔpɛ ngondombo ɔ,’ na ɔyɛle bɛ Ngoadefoɛ.

Yeremia 14:21

Ɔnate wɔ dumaa ti, nnɛpo yɛ, nnɛgua w’animnyam ahennie bia ne anyunu ase; kaye, na nnɛpɛ w’apam bɔ ɛne yɛ yayɛ ne anu.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Yeremia 14:9

Nzu ati yeɛ ayɛ kyɛ ebie bɔ ye adwene ayɛ ye nwunyaenn ɔ, kyɛ katakyie bɔ ɔngora mbepɛ nne mmenia ɔ? Nakoso, ao AWURADE, ɛne yɛ yeɛ yɛte ɔ, na wɔ dumaa yeɛ ɔla yɛ so ɔ; nnɛyakyi yɛ nu!”

Awuye 5:20

Nzu ati yeɛ ama wɔ wora afi yɛ afebɔɔ ye, ná ayakyi yɛ nu mmerɛ tendenn sɔa ye?

Hesekiel 20:14

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nye tua kyɛ nyele bɛ mvili berɛ male ne.

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Malaki 1:2

AWURADE nwa nyoo, “Mahuro ɛmɔ dwirɛ.” Nakoso ɛmɔbisa kyɛ, “Atee beni aso yeɛ ahuro yɛ dwirɛ ɔ?” Yisɔ, aso nna Yakob aliɛma ɔ?” AWURADE noa dwirɛ ɛne. “Nakoso ngurole Yakob dwirɛ,

Mateo 11:26

Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Romanfoɛ 11:1

Afei mebisa, aso Nyameɛ wapo ye maen anaa? Dabida! Ofikyɛ me bɔbɔ nde Yisraelniɛ, nde Abraham bosoniɛ, mvi Benyamin abusua kure nu.

Romanfoɛ 11:29

ofikyɛ Nyameɛ adom akyɛdeɛ ne ye frɛlɛ ne, ɔnzesã ye adwene wɔ ye nwo.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

Ɛfesofoɛ 1:12

kyɛ yɛ bɔ yɛlili moa yɛnyane Kristo nu gyidie ne yɛɛyɛ ye animnyam ne ayɛyelɛ.

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Deuteronomi 14:2

Ofikyɛ ɛte maen krongron ma AWURADE wɔ Nyameɛ, na AWURADE aneanea nu waye wɔ wafi aseɛ so mmenia mukoraati nu kyɛ ɛyɛ ye bɔbɔ ye maen.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Deuteronomi 31:6

Ɛ́mɔgyina pindinn, ná ɛ́mɔma ɛmɔ ahone yɛ se. Nnɛma ɛmɔsuro, yeɛ nnɛmɔma bɛ nwo suronyi tɔ ɛmɔ so, ofikyɛ AWURADE wɔ Nyameɛ ne, ye yeɛ ɔne wɔ nate ɔ. Ongoli wɔ ngasi, yeɛ ɔngɔyakyi wɔ nu.”

Deuteronomi 31:8

AWURADE yeɛ oli wɔ nyunu ɔ; okoli wɔ si, ongoli wɔ ngasi, yeɛ ɔngɔyakyi wɔ nu. Nnɛsuro, yeɛ nnɛma wɔ kunu tete wɔ.”

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Yosua 7:9

Kanaanfoɛ ne aseɛ ye asofoɛ mukoraati bɛkɔte sɔ dwirɛ ye, bɛkɔpɛ yɛ nwo bekoyia, na bɛkɔma yɛ boso konua. Nzikyɛ yeɛ ɛkɔyɔ kɔfa wɔ dumaa bɔ odi mu ne anwo ɔ?

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.