1 Samuel 12:21 - AHYERƐLƐ KRONGRON

²¹ Yeɛ nningyein mbaen mbaen bɔ mvasoɛ nne so, anaa bɛngora benne ngoa ne, nnɛma ɛmɔdi makyebu bekodi bɛ si, ofikyɛ bɛte mbaen.

1 Samuel 12:21 Iomraidhean Croise

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

Yesaya 41:29

Tie, bɛ mukoraa bɛte mbaen, bɔ bɛyɔ ne, ɔtte huu, b’amoen mɔ bɔ bahuro nikyee bafa bayɔ ne, bɛte mvrama ne nikyee mbaen.

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yesaya 46:7

Bɛfa ye besie bɛ kɔme anwo, bɛsoa ye, besikye ye besie ye boso, berɛ ala yeɛ ogyi ɔ; na ɔngora ndu ye bo mvi nekaa bɔ ogyi ne. Sɛ sona sũ frɛ ye a, ɔngora ndɛ ye so, yeɛ ɔngora mbepɛ nnne ye mvi ye amaneɛ nu.

Yeremia 10:15

Mvasoɛ nne bɛ so, bɛte nnakannaka adwuma; na b’asohwenɛ mmerɛ ne dwu a, bɛkɔsɛkye bɛ.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 2:13

Ofikyɛ me maen abɔ musue nyɔ: bapo me, me bɔ nde ngoa nzue mbombonzue ne, yeɛ baatu bɛ bɔbɔ b’abura mɔ, abura bɔ ye nwo adwudwa, bɔ nzue ngora nu gyina ɔ.

Yeremia 2:5

AWURADE nwa nyoo: “Nzikyɛ mvomsoɛ yeɛ ɛmɔ nana mɔ benwuni ye wɔ me nwo, bɔ ɔnate so bɛhwene bɛ nwo befili me nwo bɛhɔle dedeede beelili nningyein mbaen mbaen si, maa bɛ koso bɛkakyili mmenia mbaen ɔ?

Yona 2:8

Bɛ bɔ bɛsɔne mmosoen bɔ bɛtte huu ne, bɛpo bɛ bɔbɔ b’anwumvoinnwunɛ.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Habakuku 2:18

Amoen bɔ adwiililɛniɛ wase ne, nzikyɛ mvasoɛ yeɛ ɔwɔ so ɔ? Amoen bɔ bahuro nikyee bafa bayɔ ɔ, bɔ okyirekyire nnakannaka ɔ; adwiililɛniɛ ne, ɔfa ye wora owura ye bɔbɔ ye adwii bɔ wali, bɔ ɔte emumu amoen ne anu.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

Deuteronomi 11:16

Ɛ́mɔnea yé ná bannakalaka ɛmɔ, ná ɛmɔanni makyebu bangɔanzo nyameɛ foforɛ biemɔ, ná ɛmɔangoto bɛ;

Deuteronomi 30:17

Nakoso sɛ ɛyɛ asoserɛ, ná andie, ná ɛmaa bɛtwetwe wɔ maa ɛkɔkoto nyameɛ foforɛ biemɔ, ná ɛso bɛ de a,

Deuteronomi 32:21

Bɛsole bɔ nna Nyameɛ ahɔ ɔ maa ndwene ye nwo nungunɛ, na bɛfale bɛ mmosoen fiɛ nemɔ bɛhane me anyinga. Yiti me koso, ngɔfa mmenia mbaen bie bɔ nna maen ahɔ ɔ maa bɛkɔhwe ye nwo nungunɛ, na ngɔfa ngwaseafoɛ maen ngɔhã bɛ anyinga.