1 Samuel 12:2 - AHYERƐLƐ KRONGRON

² Ɛ́mɔtie, afei de, ɛhene ne yeɛ ɔla ɛmɔ noa ɔ. Me de, mayɛ aworowaa bɔ mafu gyein ɔ, nakoso me mma mmienzua nemɔ de, bɛboka ɛmɔ so. Mali ɛmɔ nyunu toonn fite me ngwadaa nu maa waadwu ɛnɛ kyẽa ye.

1 Samuel 12:2 Iomraidhean Croise

Edwein 71:18

Yiti menyi meyɛ aworowaa ma me ti anu yɛ gyein a, ao Nyameɛ, nnɛpo me, kɔpem kyɛ ngɔbɔ w’anwoserɛ nwo dawure ngohyire aworɛ ndoatoasoɛ he, ɔne wɔ tumi nwo dawure ngohyire ebiala bɔ ɔbaawa ɔ.

Numeri 27:17

sona bɔ okoli bɛ nyunu wɔ nikyee biala anu, na afei watua bɛ noa wɔ bɛ koɛhonɛ nu, amaa AWURADE mmenia banyɛ kyɛ mmoaen bɔ belle neafoɛ ɔ.”

2 Timoteo 4:6

Na me de, mmerɛ ne adwu bɔ bɛbaafa me bɛbɔ afɔleɛ ɔ, na mmerɛ ne apingye kyɛ ngofi wa ɔ.

Yosua 23:1

Afoɛ pee asi ne, mmerɛ bɔ AWURADE mane Yisrael nyane asomdwee fili ye pɔfoɛ amukoraa bɔ bapɛ ye nwo bayia sa nu nen, mmerɛ bɔ né Yosua anyi wayɛ aworowaa ne,

Yosua 23:2

Yosua mane Yisraelfoɛ amukoraati, bɛ mbanyi ne bɛ mmusua mbanyi, bɛ ndɛenbualɛfoɛ ne b’atitirefoɛ beyiale, na osele bɛ kyɛ, “Kekesaala ye de, manyi, yeɛ mayɛ aworowaa.

2 Petro 1:14

ofikyɛ mese kyɛ, ɔngɔhyɛ biala, bɛkɔye ɛtena sua ne bekofi me nwo, kyɛbɔ y’Awurade Yesu Kristo wala ye ali wahyire me ne.

1 Samuel 2:22

Afei né Eli ayɛ panyi paa. Na ɔtele nikyee biala bɔ ye mma nemɔ bɛfa bɛyɔ Yisrael amukoraa ne. Osa tele kyɛ bɛ ne mmrasua bɔ bɛso wɔ ɛtena sua atenaleɛ nu anoa nu berɛ ne bɛda.

1 Samuel 2:29

M’afɔleɛ ne m’afɔleɛ nningyein bɔ mahyɛ kyɛ bɛbɔ ye wɔ m’atenaleɛ ne anu ne, nzu ati yeɛ ɛmɔbu ye animtia ɔ. Nzu ati yeɛ ebu wɔ mma mɔ tra me ɔ, bɔ ɛmɔfẽ me maen Yisrael b’afɔleɛ ne anu paa bedi bɛdɔ ɔ?’

1 Samuel 3:10

AWURADE wale oogyinane berɛ. Na kyɛbɔ olili moa yɔle ne ala, ɔfrɛle kyɛ, “Samuel! Samuel!” Yeɛ Samuel surole kyɛ, “Dwudwo, na wɔ somvoɛ ótie.”

1 Samuel 3:13

Mahã mahyire ye kyɛ mebaatua ye abusua so kerɛ afebɔɔ, ɔnate amumuyɛɛ bɔ ɔse ne ati; ofikyɛ ye mma nemɔ yɔle nningyein bɔ ɔte akyiwadeɛ wɔ AWURADE nyunu ne, wanyɔ bɛ huu.

1 Samuel 3:16

Nakoso Eli frɛle Samuel kyɛ, “Mma Samuel.” Na osurole kyɛ, “Me ɛhe.”

1 Samuel 8:1

Mmerɛ bɔ Samuel yɛle aworowaa ne, ɔmane ye mma nemɔ yeɛ bɛyɛle maenbulɛfoɛ wɔ Yisrael ɔ.

1 Samuel 8:20

amaa ɔnate so yɛ koso yayɛ kyɛ maen ngaa nemɔ. Yɛ hene ne kɔla yɛ noa, na okoli yɛ nyunu maa yɛkɔhɔ yɛ koɛ mɔ.”

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.

1 Samuel 8:5

beesele ye kyɛ, “Ayɛ aworowaa, yeɛ wɔ mma nemɔ koso bamva wɔ suban, yiti ye ɛhene ma yɛ ma oli yɛ so, kyɛbɔ maen ngaa nemɔ bɛyɔ ne ala.”