1 Samuel 12:19 - AHYERƐLƐ KRONGRON

¹⁹ Na maen ne mukoraa sele Samuel kyɛ, “Srɛ AWURADE wɔ Nyameɛ ma wɔ ngoaa ná yanwuwu, ofikyɛ ɛhene bɔ yabisa yale nwo amumuyɛɛ ne, yafa yafoa yɛ bɔne amukoraa so.”

1 Samuel 12:19 Iomraidhean Croise

Gyenesise 20:7

Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”

YOB NWOMAA NE 37:13

Kyɛ asohwenɛ ti ahɔ oo, anaa ye aseɛ ti ahɔ oo, anaa ye anwumvoinnwunɛ ti ahɔ oo, ɔma sɔ nningyein nemɔ besisi.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Ɛksadɔso 10:17

Yiti mesrɛ wɔ, ɛhe angome de, fa me bɔne kyɛ me; na ɛ́mɔsrɛ AWURADE ɛmɔ Nyameɛ ne ma ɔye ewue he fi me so.”

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Ɛksadɔso 9:28

Yiti ɛ́mɔsrɛ AWURADE bɛma ɔyakyi, ofikyɛ agralaa ne asukɔtwea nyɔboɛ sɔa de, ɔbo yɛ so. Ngɔma ɛmɔ kɔhɔ, na ɛmɔngɔtena wa ko.”

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 27:18

Na sɛ bɛte ngɔmhyɛlɛfoɛ amba, ná sɛ AWURADE fa bɛ so dwudwo amba de a, ye de maa bɛkoto bɛsrɛ Asafo AWURADE, amaa ɔnate so nningyein bɔ waha AWURADE awuro berɛ, Yuda hene ahemvie berɛ, ne Yerusalem ne, wangɔanni Babilɔn.

Yeremia 37:3

Na Nana Sedekia somane Selemia awa Yehukale ne Maaseya awa ɔsɔfo Sefania wɔ Yeremia berɛ kyɛ, “Bɔ mbaeɛ kyire AWURADE yɛ Nyameɛ ma yɛ.”

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Malaki 1:9

Nzaade, mesrɛ ɛmɔ, ɛ́mɔsrɛ Nyameɛ ma ɔlo yɛ e! Na sɛ akyɛdeɛ bɔ otira ɛmɔ sa nu hɔ ɛne a, ye de ɔkɔyɛ sɛɛ né walo ɛmɔ? Asafo AWURADE noa dwirɛ ɛne.

Numeri 21:7

Yeɛ mmenia ne wale Mose berɛ beesele kyɛ, “Yayɔ bɔne kyɛ yadwudwo yatia AWURADE, ɔne wɔ ɔ; serɛ AWURADE maa ɔye ewoo nemɔ ofi yɛ wa hɔ.” Yiti Mose pale kyerɛ mane maen ne.

Asomafoɛ 8:24

Na Simɔn sele Petro ne Yohane kyɛ, “Mepa ɛmɔ kyerɛ, ɛmɔbɔ mbaeɛ bɛsrɛ Awurade bɛma me, na bɔ ɛmɔaha ye anu biala ando me.”

Yakobo 5:15

Gyidie mbaeɛ kole yarefoɛ ne ngoa, na Awurade kɔpagya ye; na sɛ wayɔ bɔne a, ɔkɔfa kɔhyɛ ye.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.

1 Samuel 12:13

Afei, ɛ́mɔnea, ɛhene bɔ ɛmɔaneanea nu baye ye, bɔ ɛmɔsrɛle ne, ye ɛhe. Ɛ́mɔtie, AWURADE asi ɛmɔ hene wama ɛmɔ.

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 12:20

Na Samuel sele maen ne kyɛ, “Nnɛma ɛmɔsuro. Ɛmɔayɔ amumuyɛɛ he amukoraa de, nakoso nnɛma ɛmɔyakyi AWURADE si lilɛ, na mmom odi kyɛ ɛmɔfa ɛmɔ ahone amukoraa bɛso AWURADE.

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.

1 Samuel 7:5

Na Samuel sele kyɛ, “Ɛ́mɔma Yisraelfoɛ amukoraa béyia wɔ Misepa, na ngɔfa ɛmɔ mbaeɛ ngɔto AWURADE nyunu ngɔma ɛmɔ.”

1 Samuel 7:8

Na Yisraelfoɛ sele Samuel kyɛ, “Esuɛ bɔ esu frɛ AWURADE yɛ Nyameɛ ma yɛ ne, nnɛyakyi; na srɛ kyɛ ole yɛ fi Filistifoɛ sa nu.”

1 Samuel 8:6

Nakoso bɛhane kyɛ, ‘Ma yɛ hene ma ɔla yɛ noa’ ne, wanyɛ Samuel fɛ. Yiti Samuel fa tole AWURADE nyunu,