1 Samuel 12:18 - AHYERƐLƐ KRONGRON

¹⁸ Yiti Samuel srɛle AWURADE, na AWURADE mane agralaa tetele, yeɛ ɔmane esue koso tɔle sɔ kyẽa ne ala. Na maen ne amukoraati surole AWURADE ne Samuel paa.

1 Samuel 12:18 Iomraidhean Croise

1 Ahemvo 18:42

Yiti Ahabo hɔle oodidili na ɔnone nzue. Nakoso Elia de, ɔfo hɔle Kamɛl bokaa ne ti afia. Berɛ, Elia bɔle ye nu ase, na ɔfale ye ti wurale ye sɔ nu.

Ɛsra 10:9

Na ɛlɛsa ne sone ne, né bɛ bɔ bɛwɔ Yuda ne Benyamin amukoraa baaboa bɛ noa wɔ Yerusalem. Né ɔte kyẽa bɔ ɔtɔ so aburanyɔ wɔ bosome bɔ ɔtɔ so ngona ne anu. Mmenia ne amukoraa bɛtenatenane dwaa ne aso wɔ Nyameɛ awuro ne anyunu berɛ. Na ɔnate sɔ dwirɛ ne ɔne esue piri bɔ né ɔtɔ ne ati, bɛ nwo wosowosole bɛ.

YOB NWOMAA NE 37:13

Kyɛ asohwenɛ ti ahɔ oo, anaa ye aseɛ ti ahɔ oo, anaa ye anwumvoinnwunɛ ti ahɔ oo, ɔma sɔ nningyein nemɔ besisi.

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Yosua 10:12

Kyẽa bɔ AWURADE mane Yisraelfoɛ lili Amorifoɛ so ngonim ne, Yosua srɛle AWURADE wɔ Yisraelfoɛ nyunu berɛ kyɛ, “Eyia, gyina neka horɛ wɔ Gibeon! Ɛsraen, gyina neka horɛ wɔ Ayalɔn bɔnza nu!”

Yosua 4:14

Sɔ kyẽa ne, AWURADE yɛle Yosua sona bɔ odi mu wɔ Yisraelfoɛ amukoraa bɛ nyunu, na bebuli ye wɔ mmerɛ amukoraa bɔ né ɔte ngoa nu ɔ, kyɛbɔ bebuli Mose nen.