1 Samuel 12:17 - AHYERƐLƐ KRONGRON

¹⁷ Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 12:17 Iomraidhean Croise

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Anyandera 26:1

Kyɛbɔ asukɔtwea mvata ahuhuro mmerɛ, ná esue koso mvata fieso aleɛfalɛ mmerɛ ne, sɔ ala yeɛ animnyam mvata kwaseaa ɔ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yosua 10:12

Kyẽa bɔ AWURADE mane Yisraelfoɛ lili Amorifoɛ so ngonim ne, Yosua srɛle AWURADE wɔ Yisraelfoɛ nyunu berɛ kyɛ, “Eyia, gyina neka horɛ wɔ Gibeon! Ɛsraen, gyina neka horɛ wɔ Ayalɔn bɔnza nu!”

1 Samuel 12:13

Afei, ɛ́mɔnea, ɛhene bɔ ɛmɔaneanea nu baye ye, bɔ ɛmɔsrɛle ne, ye ɛhe. Ɛ́mɔtie, AWURADE asi ɛmɔ hene wama ɛmɔ.

1 Samuel 12:19

Na maen ne mukoraa sele Samuel kyɛ, “Srɛ AWURADE wɔ Nyameɛ ma wɔ ngoaa ná yanwuwu, ofikyɛ ɛhene bɔ yabisa yale nwo amumuyɛɛ ne, yafa yafoa yɛ bɔne amukoraa so.”

1 Samuel 2:10

Okoyie AWURADE pɔfoɛ mɔ pasapasa, Anwuro Anwuro Nyameɛ kɔbɔ nu kurudududu kofi nyameɛso kogua bɛ so, AWURADE kobua aseɛ so amukoraa ndɛen, ɔkɔma ye hene ne anwoserɛ, na ɔkɔma bɔ wapopa ye ngoo ne konya tumi.”

1 Samuel 7:5

Na Samuel sele kyɛ, “Ɛ́mɔma Yisraelfoɛ amukoraa béyia wɔ Misepa, na ngɔfa ɛmɔ mbaeɛ ngɔto AWURADE nyunu ngɔma ɛmɔ.”

1 Samuel 8:6

Nakoso bɛhane kyɛ, ‘Ma yɛ hene ma ɔla yɛ noa’ ne, wanyɛ Samuel fɛ. Yiti Samuel fa tole AWURADE nyunu,

1 Samuel 8:7

na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.