1 Samuel 12:15 - AHYERƐLƐ KRONGRON

¹⁵ Nakoso sɛ ɛmɔandie AWURADE dwirɛ, ná sɛ ɛmɔtwi bɛfa AWURADE mmeraa dwirɛ so de a, ye de AWURADE tumi kotua ɛmɔ so kerɛ, kyɛbɔ otuale ɛmɔ nana mɔ so kerɛ ne.

1 Samuel 12:15 Iomraidhean Croise

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Yesaya 1:20

Nakoso sɛ ɛmɔtwi bɛfa so, ná ɛmɔyɛ lɔen a, ye de ɛmɔkɔtotɔ ngrandɛ noa, ofikyɛ AWURADE noa dwirɛ ɛne.”

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Deuteronomi 31:27

Ofikyɛ mese wɔ nye bɔ ɔnzɔ nikye ɔne w’asoserɛ. Me ne ɛmɔ yɛte ase ye po yeɛ ɛmɔahwi bafa AWURADE dwirɛ so sɔa ye, na me wue asi koso ɛ!

Yosua 24:20

Sɛ ɛmɔyakyi AWURADE si lilɛ bɛkɔɔso Amaenmaensofoɛ nyameɛ mɔ a, ye de ɔmva ye nwo kyɛ AWURADE ayɛ ɛmɔ paa ɔ, ɔkɔpɛ ye nwo kɔprapra amaneɛ kogua ɛmɔ so kɔmaa ɛmɔkowuwu.”

Maenbulɛfoɛ 2:15

Kyɛbɔ AWURADE bɔle bɛ kɔkɔ ná osa tale ye nwo ndaen hyirele bɛ ne, mmerɛ biala bɔ bɛhɔle koɛ ne, AWURADE yele ye sa fili bɛ bo maa musue tole bɛ, na bɛ nwo hyerele bɛ paa.

1 Samuel 12:9

Nakoso bɛmane bɛ wora fili AWURADE bɛ Nyameɛ; yiti ɔfale bɛ wurale Hasɔ safohene Sisera sa, Filistifoɛ sa, ɔne Moabo hene sa, na sɔ mmenia nemɔ ne bɛ hone koɛ.

1 Samuel 5:9

Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.