1 Samuel 12:14 - AHYERƐLƐ KRONGRON

¹⁴ Sɛ ɛmɔkosuro AWURADE, ɛmɔkɔso ye, ɛmɔkotie ye dwirɛ, ná mmom ɛmɔandwi bamva AWURADE mmeraa dwirɛ so, ná ɛmɔ ne ɛhene bɔ odi ɛmɔ so ne bedi AWURADE ɛmɔ Nyameɛ si a, ye de okoyie ɛmɔ yé.

1 Samuel 12:14 Iomraidhean Croise

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Edwein 105:28

Ɔsomane awosii, na ɔmane aseɛ ne aso yɛle tunn; nakoso bamva ye dwirɛ ne banyɛ huu.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Deuteronomi 13:5

Nakoso sɔ ngɔmhyɛlɛniɛ anaa sɔ sona bɔ ɔnate laleɛ so hyɛ ngɔm ne de, ɛ́mɔhu ye, ofikyɛ wafa ye noa dwirɛ wabɔ mmenia asɔne wafi AWURADE wɔ Nyameɛ bɔ ɔyele ɛmɔ fili Misraim aseɛ so, ná olele wɔ fili ngoaasolɛ nu ne nwo. Na ɔtwetwe wɔ fi atee bɔ AWURADE wɔ Nyameɛ hyɛle wɔ kyɛ ɛfa so ne aso. Yiti ɔsɛ kyɛ etu bɔne ne bo fi wɔ nu.

Yosua 24:14

“Yiti ɛ́mɔsuro AWURADE ná ɛ́mɔso ye ferengyemm ne nahorɛ nu. Na mmosoen bɔ ɛmɔ nana mɔ sole bɛ wɔ asue Yufreti asi dɔ, ɔne Misraim nen, ɛ́mɔgyi bégua ná ɛ́mɔso AWURADE.

Yosua 24:20

Sɛ ɛmɔyakyi AWURADE si lilɛ bɛkɔɔso Amaenmaensofoɛ nyameɛ mɔ a, ye de ɔmva ye nwo kyɛ AWURADE ayɛ ɛmɔ paa ɔ, ɔkɔpɛ ye nwo kɔprapra amaneɛ kogua ɛmɔ so kɔmaa ɛmɔkowuwu.”