1 Samuel 12:12 - AHYERƐLƐ KRONGRON

¹² Ɔwɔ nu kyɛ AWURADE ɛmɔ Nyameɛ yeɛ ɔte ɛmɔ hene ɔ, nakoso mmerɛ bɔ ɛmɔnwuni kyɛ Amonfoɛ hene Nahase ɔbaafa koɛ toa ɛmɔ ne, ɛmɔsele me kyɛ, ‘Daabi, ɔsɛ kyɛ yɛnya ɛhene maa odi yɛ so.’

1 Samuel 12:12 Iomraidhean Croise

Gyenesise 17:7

Ngɔyɛ m’apam maa ɔkɔyɛ apam afebɔɔ, bɔ ɔwɔ berɛ ma me ne wɔ ne kyẽa bie wɔ boso ama wɔ b’aworɛ ndoatoasoɛ mukoraa nu. Na ngɔyɛ wɔ ne kyẽa bie wɔ boso ama Nyameɛ.

Edwein 74:12

Nakoso Nyameɛ, ɛte me hene fi tete bɔ ede ngoa wɔ aseɛ ye aso ɔ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yeremia 40:11

Sɔ ala koso, mmerɛ bɔ Yudafoɛ amukoraa bɔ né bɛwɔ Moabo ne Amonfoɛ nemɔ anu, ne Edom ne maen amukoraa so ne, bɛtele kyɛ Babilɔn hene wayakyi mmenia ne kãa wɔ Yuda, ná wafa Gedalia bɔ ye baba ole Ahikam, bɔ ye baba ole Safan ne wali bɛ so safohene nen,

Hosea 13:10

Me yeɛ ngɔyɛ wɔ hene ɔ, na ebie bieku bɔ ɔkɔpepɛ kole wɔ wɔ wɔ nguro nemɔ amukoraa so ne, ɔwɔ nisua? Yeɛ wɔ maenbulɛfoɛ bɔ ɛhã fale bɛ nwo kyɛ, “Si ɛhene ne mbanyi ma me” ne, bɛwɔ nisua?

Numeri 23:21

Wannwu amumuyɛɛ biala wɔ Yakob nu; yeɛ wannwu amaneɛ dwirɛ biala wɔ Yisrael. AWURADE bɛ Nyameɛ gyi bɛ si, babɔ ye ohomoo wɔ bɛ nu kyɛ b’ɛhene ɛne.

Maenbulɛfoɛ 8:23

Gideon buale bɛ kyɛ, “Me de mengoli ɛmɔ so hene, yeɛ mma koso ngoli ɛmɔ so hene; mmom AWURADE yeɛ okoli ɛmɔ so hene ɔ.”

Maenbulɛfoɛ 9:18

Nakoso ɛnɛ ye de, ɛmɔayɛ me baba awuro ama nwo lɔen. Ɛmɔahu ye mma mmienzua aburasoo wɔ nyɔboɛ komapɛ aso, na Abimɛlɛke bɔ ɔte ye afaneɛ awa ne, ɛmɔafa ye bali Sɛkem mbanyi so hene, ɔnate kyɛ ɔte ɛmɔ abusuaniɛ ne ati.

1 Samuel 10:19

Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.