1 Samuel 12:10 - AHYERƐLƐ KRONGRON

¹⁰ Afei besu bɛfrɛle AWURADE kyɛ, “Yayɔ bɔne, ofikyɛ yayakyi AWURADE si lilɛ yaaso Baal mɔ ne Astarote mɔ. Nakoso, de yɛ fi yɛ pɔfoɛ mɔ sa nu, na yɛkɔso wɔ.’

1 Samuel 12:10 Iomraidhean Croise

Edwein 106:44

Nakoso onwuni amaneɛ bɔ né benwu ye ne, na otiele bɛ sufrɛ.

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Yosua 13:31

Gileade bue, Astarote ne Yedrei, Ogo ahennie nu nguro bɔ bɛwɔ Basan. Mose fale sɔ aseɛ ne amukoraa mane Manase awa Makyiri ye bosofoɛ, kyɛbɔ bɛ mmusua mmusua nemɔ te ɔ; kyɛ ɔyɛ Makyirifoɛ bue nu ko deɛ.

Maenbulɛfoɛ 10:10

Yiti Yisraelfoɛ sũ frɛle AWURADE kyɛ, “Yayɔ bɔne yatia wɔ, ofikyɛ wɔ bɔ ɛte yɛ Nyameɛ ne, yayakyi wɔ si lilɛ yaaso Baal mɔ.”

Maenbulɛfoɛ 2:11

Yisraelfoɛ yɔle bɔ ɔte bɔne wɔ AWURADE nyunu ɔ, na bɛsole mmosoen Baal.

Maenbulɛfoɛ 2:13

Bɛyakyili AWURADE si lilɛ, na bɛsole Baal ne Astarote.

Maenbulɛfoɛ 3:15

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Ehude bɔ ɔse ole Benyaminniɛ Gera ne. Ehude te bɛen.

Maenbulɛfoɛ 3:7

Yisraelfoɛ yɔle bɔ ɔte bɔne wɔ AWURADE nyunu ɔ. Bɛmane bɛ wora fili AWURADE bɛ Nyameɛ, na bɛsɔnene Baal mɔ ne Asera mɔ.

Maenbulɛfoɛ 3:9

Nakoso Yisraelfoɛ sũ frɛle AWURADE nen, AWURADE yele defoɛ mane bɛ maa ɔɔpepɛ lele bɛ. Ye ole Otiniɛl bɔ ɔse ole Kalebo aliɛma bienzua kãa Kenase ne.

Maenbulɛfoɛ 4:3

Na Yisraelfoɛ sũ frɛle AWURADE kyɛ ɔɔpepɛ le bɛ. Ofikyɛ né Sisera le buralɛ teaseɛnam ɛyaa ngona, yeɛ afei né wahyɛ Yisraelfoɛ so yeayea afoɛ aburanyɔ.

Maenbulɛfoɛ 6:7

Midianfoɛ ndaneanyeɛ ne ati, Yisraelfoɛ sũ frɛle AWURADE,

1 Samuel 7:2

Ofi kyẽa bɔ bɛfale alaka ne bɛhɔle Kiriate Yearim ne, ɔhyɛle paa wɔ berɛ, kɔyɛ afoɛ aburanyɔ. Na Yisrael awuro ama mukoraa belili aworabɔlɛ bɛpenane AWURADE si atee.

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.